विराटनगर, माघ १३–सरुवा भई आउने वित्तिकैदेखी करदाताको सेवा प्रवहलाई अझ सहज बनाएका आन्तरिक राजश्व कार्यालय विराटनगरमा प्रमुख कर अधिकृतले विमल सापकोटाले बिचौलियालाई कार्यालय परिसर भित्र प्रवेशमा रोक लगाएका छन् ।

करदातालाई सहयोग गर्ने नाममा जथाभावि रकम अशुलि गरेको गुनासो बढेपछी प्रमुख कर अधिकृत सापकोटाले बिचौलियालाई कार्यलय परिसर भित्र काम गर्न बन्देज लगाएका हुन् । कार्यालयमा करसहयोगिहरुलाई डाकेर छलफल गरि कार्यालय परिसर भित्र कुनैपनि गतिविधि नगर्न उनले निर्देशन दिएका हुन् ।

प्रमुख कर अधिकृत सापकोटाले आन्तरिक राजश्व विभागको सुचना प्रविधि प्रणलीमा करदाताले ‘ट्याक्स पेयर पोर्टल’ मा प्रवेश गरि भर्नुपर्ने विवरणहरु आगामी माघ १६ गतेदेखी करदाताले स्वयं भरेर प्रिन्ट गरि ल्याउनुपर्ने समेत जानकारी दिएका छन् । यस अघि कार्यालयकै कर्मचारीहरुले विवरण भरिदिने गरेका थिए ।