विराटनगर । विराटनगरमा रहेको स्पार्क नेचुरोप्याथी एण्ड फिजियोथरोपी हस्पिटल सातौं वर्षमा प्रवेश गरेको छ । सातौं वर्षमा प्रवेश गरेको अवसरमा हस्पिटलले विभिन्न कार्यक्रम आयोजना गरी वार्षिकोत्सव मनाउने तयारी गरेको छ ।
हस्पिटलले वार्षीकत्सवको अवसर पारेर पुस १० गते अस्पताल परिसरमा निःशुल्क स्वास्थ्य शिविर गर्ने भएको छ । विहान ९ देखि साझ ४ बजेसम्म निःशुल्क स्वास्थ्य शिविरमा विशेषज्ञ चिकत्सकहरूबाट स्वास्थ्य परीक्षण हुने अस्पतालका अध्यक्ष रूपेश अधिकारीले जानकारी दिए ।
शिविरमा प्यारालाइसिस, हड्डी खिइएको, नशा च्यापिएको, बाथ, युरिक एसिड बढेर हुने दुःखाई, घुँडा जोर्नीहरु दुख्ने, गर्दन, ढाड एवं कम्मर दुख्ने, डिस्क प्रोल्याप्स, शरीर पोल्ने, झमझमाउने, लाटो हुने, मुख बाङ्गिगएको, स्पोर्टस् इन्जुरी, हड्डी भाँचिएपछि चाहिने रिह्याबिलिटेशन र अन्य हाड जोर्नी तथा नशासम्बन्धी रोगहरू उपचार हुनेछ ।
शिविरमा विशेषज्ञ चिकित्सकहरूबाट निःशुल्क जाँच हुनुको साथै शिविरमा आउने विरामीलाई आवश्यक औषधी पनि निःशुल्क बितरण हुनेछ । दुर्गम क्षेत्र तथा ६० वर्ष माथिका विारमीहरुलाई २५ प्रतिशत छुट, शिविरमा जाँच गरिएका विरामीलाई उपचारमा २० प्रतिशत छुटको व्यवस्था र भर्ना गर्नु पर्ने विरामीलाई बेड तथा उपचारमा ३० प्रतिशत छुटको व्यवस्था गरेको अस्पतालले जनाएको छ ।
विशेषज्ञ चिकित्सकहरू उपचार हुदै आएको स्पार्कमा बिना अपरेशन हानीरहित प्रविधिबाट उपचार गर्दै आएको छ ।
सातौं वार्षिकत्सवको अवसर पारेर रक्तदान कार्यक्रम पनि पुस १० गते राखेको हस्पिटलले जनाएको छ । प्रत्येक वार्षिकत्सवमा हस्पिटलले विभिन्न सामाजिक कार्यसँगै विरामी मैत्री सेवाहरू प्रदान गर्दै आएको छ ।