प्रदेश १ को मन्त्रीपरिषद विस्तार - News Birat

प्रदेश १ को मन्त्रीपरिषद विस्तार

न्यूज विराट

विराटनगर, माघ ५–प्रदेश एकको सरकारले मन्त्रीपरिषद बिस्तार गरेको छ । ५ सदस्यिय मन्त्रिपरिषद रहेको प्रदेश सरकारमा ४ जना राज्य मन्त्रीहरु थप गरिएका छन । थप गरिएका राज्य मन्त्रीहरुमा रामबहादुर थापा मगर भुुमि ब्यवस्था,कृषि तथा सहकारी मन्त्रालय,अम्बिरबाबु गुरुङ भौतिक पूर्वाधार विकास मन्त्रालय,जसमाया गजमेर सामाजिक विकास मन्त्रालय र बिजयकुमार विश्वासलाई उद्योग,पर्यटन,वन तथा वातावरण मन्त्रालयको राज्यमन्त्रीमा नियुक्त गरिएको छ ।

नवनियुक्त राज्यमन्त्रीहरुलाई प्रदेश प्रमुखको कार्यालयमा आज आयोजित कार्यक्रमकाबीच सपथ ग्रहण गराइएको छ । प्रदेश प्रमुख सोमनाथ अधिकारी प्यासीको उपस्थितिमा मुख्यमन्त्री शेरधनराईले नवनियुक्त राज्यमन्त्रीहरुलाई पद तथा गोपनियताको सपथ ग्रहण गराए ।

सपथ ग्रहण समारोहमा प्रदेश एकका सभामुख प्रदीपकुमार भण्डारी सहित मन्त्रीहरु, सुरक्षा निकायका प्रमुखहरुसहित विभिन्न मन्त्रालयका सचिवहरुको उपस्थिति थियो । सपथ ग्रहण समारोह लगत्तै नवनियुक्त राज्यमन्त्रीहरुलाई फुलमाला,अबिर र खादा सहित स्वागत तथा बधाई ज्ञापन गरिएको थियो ।

मुख्यमन्त्री शेरधन राईले नेपालको संबिधानको धारा १६८ को उपधारा (९) बमोजिम उहाँहरुलाई नियुक्तगर्न प्रदेश प्रमुख समक्ष सिफारिस गरेपछि प्रदेश प्रमुख प्यासीले उनीहरुलाई राज्यमन्त्रीमा नियुक्त गरेको प्रदेश प्रमुखको कार्यालयले जारी गरेको विज्ञप्तिमा जनाइएको छ ।

हाल प्रदेश एकमा मुख्यमन्त्री शेरधन राई सहित आन्तरिक मामिला तथा कानुन मन्त्रीमा हिक्मत कार्की, उद्योग, पर्यटन, वन तथा वातावरण मन्त्रालयमा जगदिशप्रसाद कुसियैत, सामाजिक विकास मन्त्रालयमा जीवन घिमिरे र आर्थिक मामिला तथा योजना मन्त्रालयमा इन्द्र आङ्बोले मन्त्रीको जिम्मेबारी सम्हाल्दै आएका छन् ।

मा प्रकाशित

यसमा तपाईको मत:

© Copyright 2017 - 2021 Newsbirat pvt ltd. All Rights Reserved.

Design / Developed by codebundles