महोत्तरी, माघ २–महोत्तरीमा आजदेखि छोरी शिक्षा बीमा शिविर सुरु गरिएको छ । प्रदेश २ सरकारबाट ‘बेटी पढाऊँ, बेटी बचाऊँ’ अभियानअन्तर्गत आज महोत्तरीको सदरमुकाम जलेश्वरमा अवस्थित लक्ष्मी चण्डी मुरारका माध्यमिक विद्यालय र महेन्द्र आदर्श महिला माध्यमिक विद्यालयमा छोरी शिक्षा बीमा शिविर सुरु गरिएको हो ।

जलेश्वरमा आज र शुक्रबार दुई दिन शिविर सञ्चालन हुनेछ भने महोत्तरीका १५ वटै स्थानीय तहका वडाको संख्या हेरी एकरदुई दिन गर्दै आगामी फागुनको २ गतेसम्म यो शिविर सञ्चालन हुने बताइएको छ । यस कार्यक्रमअन्तर्गत २०७५ को २ माघ (आजसम्म) जन्मेका बालिकालाई प्रदेश सरकारले २० वर्षपछि १ लाख रुपैयाँ पाउने गरी निःशुल्क बीमा गरेको हो । रासस