काठमाडौं, पुस २५–मादक पदार्थ सेवन गरी आफ्नै साथीको हत्या गर्ने ६ जनालाई सिन्धुपाल्चोक प्रहरीले नियन्त्रणमा लिएर अनुसन्धान सुरु गरेको छ । भारत बिहार पर्सा जिल्ला पोखरीया नगरपालिका–८ बस्ने ३७ वर्षका राजकुमार मुखियालाई आफ्नै साथीहरुले सामान्य विवादमा हातपात गरी हत्या गरेका छन् । गत ६ पुसमा इन्द्रावती गाउँपालिका ५ लामाटोलका पुर्णबहादुर तामाङको घर ढलान गरेर फर्कने क्रममा मादक पदार्थ सेवनपछि मुखियासँगै घर ढलान गर्न गएका साथीहरुले कुटपिट गरेका थिए ।

मुखियालाई सँगै रहेका बीरगञ्ज महानगरपालिका–११ का प्रेम यादव, सोही ठाउँका भोला माझी,राजेश मेष्तर,राजन शाह, अशोक शाह, बिनोद पासवान र तिलोत्तमा–१२ रुपेन्देहीका सन्तोष थापा मगर भएर कुटपिट गरेका थिए । जिल्ला प्रहरी कार्यालय सिन्धुपाल्चोकका अनुसार कुटपिटबाट गम्भीर घाइते भएका मुखियालाई ६ जनाकै समुहले कुटपीट गरेर भागेका थिए ।

उनको उपचारका क्रममा अस्पताल लैजादैगर्दा बाटोमै मृत्यु भएको थियो । मृत्युपछि जंगलमा शव फालेर हिडेको प्रहरीको दावी छ । साथीको मृत्यु भएपछि फरार भोला माझी शाहा, राजेश मेष्तर, राजन शाहा, अशोक शाह, विनोद पासवान र सन्तोष थापा मगर र प्रेम यादव पक्राउ परेको प्रहरीले जनाएको छ । यादव ठेकेदार हुन् । उनलाई अस्पताल लैजाने क्रममा मृत्यु भएका मुखियालाई जंगलमा फल्न सहयोग गरेको अभियोगमा पक्राउ गरिएको प्रहरीको भनाइ छ ।