विराटनगर । विराटनगरमा तेली कल्याण समाज नेपालद्वारा होली मिलन तथा शुभकामना आदान–प्रदान कार्यक्रम आयोजना गरेको छ । विराटनगरमा शनिबार होली मिन तथा शुभकामना आदान प्रदान कार्यक्रम आयोजना गरेको हो ।
समाजका महानगर अध्यक्ष सञ्जय कुमार साहको अध्यक्षतामा उक्त कार्यक्रम भएको थियो । कार्यक्रमका प्रमुख अतिथि समाजका जिल्ला अध्यक्ष डा. बालकृष्ण साह रहेका थिए । उनले रंगको पर्व होलीले समाजमा भाइचारा कायममा ठुलो सहयोग पुग्ने बताए । कार्यक्रममा गढी गाउँपालिकाकी उपमेयर अनिता कुमारी साह, पूर्व मुख्यमन्त्रीका प्रेस सल्लाहकार देव नारायण साह, मैथिली एशोसिएसन नेपालका अध्यक्ष प्रविण नारायण चौधरी, उपाध्यक्ष पंकज वर्मा, अभा फाउन्डेसनका संस्थापक अभा अनुपना लगायत समाजका जिल्ला पदाधिकारी तथा सल्लाहकारहरूको उपस्थिती रहेको थियो ।
कार्यक्रमले समुदायभित्र आपसी सम्बन्ध सुदृढ बनाउने, संस्कृतिको जगेर्ना गर्ने तथा सामाजिक एकता अभिवृद्धि गर्ने उद्देश्य राखेको आयोजक समितिले जनाएको छ ।