विराटनगर । विराटनगर – १ मा रहेको डनबस्को स्कुलमा विज्ञान प्रर्दशनी आयोजना गरिएको छ । स्कुल परिसरमा शुक्रबार एक कार्यक्रम आयोजना गरी विज्ञान प्रर्दशनी गरिएको हो ।
विज्ञान प्रर्दशनीको उदघटन विराटनगर १ का कार्यवहाक अध्यक्ष लक्ष्मी राईले गरिन् । प्रर्दशनीमा डानबस्को स्कुलको नर्सरीदेखि कक्षा १० सम्म करिब ४ सय बढी विद्यार्थीहरुले भाग लिएको कार्यक्रम संयोजक करन केसीले जानकारी दिए । विद्यार्थीहरुले वाटर पियुरिफाइ, हाइड्रोजन ग्यास, सेक्युरिटी सिटमलगायतका एक दर्जन बढी विद्यार्थीहरुले बनाएको सामाग्रीहरु प्रर्दशनीमा राखिएको थियो ।

विद्यार्थीहरुमा भएको प्रतिभा उजार गर्ने उद्देश्यले विद्यालयले प्रर्दशनी गरिएको स्कुलका प्रिन्सिपल फादर अजय प्रधानले जानकारी दिए । गुणस्तरीय शिक्षासँगै विद्यार्थीहरुमा भएको प्रतिभा उजार गर्ने उद्देश्यले विज्ञान प्रर्दशनी गरिएको उनले बताए ।