विराटनगर । मिल्स फार्क नकआउट फुटबल प्रतियोगितामा मेरिल्याण्ड र रेडस्टार स्कुल सेमिफाइनलमा पुगेका छन् ।
विराटनगर जुटमिल खेलमैदानमा बुधबार भएको पहिलो खेलमा सगरमाथा स्कुललाई ४–१ गोलले हराउँदै मेरिल्याण्ड सेमिफाइनलमा पुगेका हुन् ।

जितको लागि मेरिल्याण्डका निश्चल चौधरी, अलमन लिम्बू, निशान्त राईले गोल गरे । सगरमाथाका मिलन थापाले सान्तवना गोल फर्काए । खेलको म्यान अफ द म्याच मेरिल्याण्डका निश्चल चौधरी घोषित भए ।
सोही दिन भएको दोस्रो खेलमा पथरीको रेडस्टार स्कुलले सुनगवा स्कुललाई ४– १ गोलले पराजित गर्यो । जितको लागि रेड स्टारका सैगात राई, अलसन लिम्बू, सोनाम गुरुङ्गले दुई गोल गरे । सुनगवाका सान्त्वना गोल सुगम मगरले फर्काए । खेलको म्यान अफ द म्याच सोनाम गुरुङ घोषित भए ।