विराटनगर । रोटरी क्लव विराटनगरको ४८ औं पदस्थापन कार्यक्रम भएको छ । विराटनगरमा शनिबार साझ पदस्थापन कार्यक्रम भएको हो ।
सन २०२४– २०२५ को लागि रोटरी क्लव विराटनगरको अध्यक्षमा युवा उद्योगी मनोजविक्रम शाह चयन भएका छन् । रोटरी क्लबले विभिन्न सामाजिक कार्यहरु निरन्तर गर्दै आएको छ । शाह लामो समयदेखि क्लवमा आवद्ध रहँदै आएका छन् । अध्यक्ष शाहले आफ्नो कार्यकालमा विभिन्न सामाजिक काम गर्दै अगाडी बढने बताए । क्लवले शिक्षा र स्वास्थ्यसहित दैवीप्रकोप र आपतकालिन सेवातर्फ काम गर्ने अध्यक्ष शाहले बताए । आउँदो एक वर्षमा क्लवले अल्पकालिन र दीर्घकालिन खाले योजना संचालन गर्ने उनको भनाई छ ।
क्लवको निवर्तमान अध्यक्षमा कमल बस्नेत, पेसिडेण्ट नोमिनेटमा टीपी आचार्य, उपसभापतिमा शिवप्रसाद अधिकारी, सचिबमा दिनेश गड्तौला, सह–सचिव सरिता अग्रवाल, कोषाध्यक्षमा ज्योति गुप्ता छन् ।

रोटरी क्लबका अध्यक्ष शाह विराटनगरको सामाजिक क्षेत्रमा सक्रिय युवा हुन् । स्कुल व्यवस्थापन समितिको अध्यक्ष समेत रहेका उनी आफै पढेको जनता नमूना स्कुलको सुधारमा खटिएका छन् । उनी खेलकुद, आर्थिक क्षेत्रमापनि सक्रिय छन् । ‘रोटरी क्लव विराटनगरको इतिहास हो । यो संस्थामार्फत् मैले गर्नुपर्ने सामाजिक काममा निरन्तर रुपमा सक्रिय भएर लागि पर्नेछु,’ उनले भने ।