बावुराम मुडियारी
विराटनगर । अपाङ्गतमा भएका व्यक्तिहरूलाई राज्यको हरेक निकायमा समावेश गरिनुपर्ने एक कार्यक्रममा सरोकारवालाहरुले जोड दिएका छन् ।
नेत्रहीन युवा संघ नेपाल मोरङले विराटनगरमा आयोजना गरेको अन्र्तक्रिया कार्यक्रममा बोल्दै सरोकारवालाहरुले यस्तो बताएका हुन् । राज्यले बनाउने नीति निमार्ण प्रक्रिया अर्थपुर्ण, सहभागितात्मक र जनमुखी बनाउन अपाङगता भएका व्यक्तिहरुलाई पनि समावेश गराउनुपर्नेमा उनीको भनाई छ ।
राज्यले बनाउने हरेक नीति निर्माण प्रक्रियामा अर्थपूर्ण सहभागिता हुनुपर्ने र निर्माण भएका ऐन, नियमको कार्यान्वयनमा सबैको साथ हुनुपर्ने उनीहरुले जोड दिए ।
कार्यक्रमको प्रशिक्षक नत्रहिन संघका केन्द्रीय सचिब तथा सहजकर्ता कलाधर भण्डारीले राज्यले बनाउने हरेक नीति निमार्णमा अपाङगता भएका व्यक्तिहरुलाई पनि सहभागिता गराउने खालको बाध्यकारी नियम बनाउनुपर्ने बताए । स्थानीय, प्रदेश र संघले बनाउने नीति निमार्णमा अपाङगता भएका व्यक्तिहरुलाई पनि समावेश गरेर कानुन निमार्णले यस क्षेत्रका व्यक्तिहरुको पनि हकअधिकार स्थिापित हुने उनले बताए । अहिले बन्ने गरेको अपाङगता मैत्री संरचनाहरु नहुदाँ अपाङगता भएका व्यक्तिहरुको सहज पहुचमा पुग्न नसकेको उनले गुनासो गरे । ‘दिगो विकास लक्ष्यले हरेक कानुन र नियमले अपाङगता मैत्री संरचनाहरु बनाउनुपर्ने उल्लेख गरिएको छ । तर, यहाँको सरकारी संरचनाहरू पनि अपाङगता मैत्री भएको छैन । जसले गर्दा अपाङगता भएका व्यक्तिहरुको सरकारी कार्यालयमहरुमा सहज रुपमा पहुच पुग्न सकेको छैन,’ उनले भने ।
कार्यक्रममा बोल्दै नेत्रहीन युवा संघ मोरङका अध्यक्ष दुर्गानाथ योगीले राजनैतिक दलले अपाङगता भएका व्यक्तिहरुलाई पनि समावेश गरेर नीति निमार्ण बनाउनुपर्ने बताए । ‘अहिले राज्यले बनाउने हरेक निती निमार्णमा अपाङगता भएका व्यक्तिहरुलाई उपेक्षा गरेको छ,’ उनले भने, ‘अब बनाउने नीति निमार्णहरु अपाङगता मैत्री हुनुपर्दछ ।’
कार्यक्रममा जनप्रतिनिधीहरु, विभिन्न राजनैतिक दलका प्रतिनिधी, मानवअधिकारकर्मी र सामाजिक संघसंस्थाका प्रतिनिधीहरुको उपस्थिती रहेको थियो ।