विराटनगर । थारु कल्याणकारिणी सभा मोरङले विधान विपरीत हुन लागेको निर्वाचन रोक्न माग गरेको छ ।
थारु कल्याणकारिणी सभा मोरङले शुक्रबार एक विज्ञाप्ती जारी गर्दै यस्तो माग राखेको हो ।

निर्वाचन मण्डलीले एक पक्षीय रुपमा थारु कल्याणकारीणी सभा मोरङको निर्वाचन फागुन १९ गतेलाई तोकेको छ । उक्त निर्वाचन रोक्न माग गरिएको थारु कल्याणकारीणी सभा मोरङका कार्यवहाक सभापति प्रदिपकुमार भगत थारुले बताए । ‘निर्वाचनको मिति घोषणा गर्दा विधान अनुसार कार्यसमितिको बैठक बसेर निर्वाचनको मिति तय गरिन्छन् । तर, यहाँ एकपक्षीय ढंगले जिल्ला कार्यसमिति, सदस्यहरु, उम्मेदवारहरुलाई पनि कुनै जानकारी बेगार गरिएको सूचना विधान विपरीत रहेको छ,’ कार्यवहाक सभापति भगतले भने ।

आममतदाता, प्रत्याक्षीउम्मेदवार, जिल्ला कार्यसमितिहरुसँग कुनै पनि परार्मश र निर्वाचनको समान्य प्रक्रिया समेत पूरा नगरि एक पक्षीय तरिकाले घोषणा गरिएको निर्वाचनको मिति तत्काल रोकी अर्को नयाँ मिति तय गरेर विधान संगत तरिकाले निर्वाचन सम्पन्न गराउन थारु कल्याणकारीणी सभाको केन्द्रीय कार्यालय र निर्वाचन मण्डलीसँग माग गरिएको छ ।