विराटनगर । रामप्रसाद रेग्मीको ११८ औं जन्मजयन्ति बिभिन्न कार्यक्रम गरी मनाएको छ । रामप्रसाद–जमुना रेग्मी स्मृति प्रतिष्ठान विराटनगर–४ मा विभिन्न कार्यक्रम आयोजना गरी जन्मजयन्ति मनाएको हो ।
संस्थाका प्रमुख संरक्षक बिश्वराज रेग्मीको अध्यक्ष्यतामा भएको कार्यक्रमको उद्घाघटन मोरंगका प्रमुख जिल्ला अधिकारी प्रेमप्रसाद भट्टराईले गरे । कार्यक्रममा मानब सेवा आश्रम पोखरिया शाखामा आश्रित ८० जना बुवाहरूलाई बिहानको भोजन प्रतिष्ठानको तर्फबाट गराएको थियो ।
प्रतिष्ठानको भवन परिसरमा रहेको राधा कृष्ण तथा राम जमुनेश्वर शिव पांचायन मन्दिरमा हरिनाम किर्तनको आयोजना गरियो ।
सोही अवसरमा योगेश भण्डारी “बराहक्षेत्र” लाई दोसल्ला तथा सम्मान पत्रले सम्मान गरियो । गुप्त बराहको सिडी निर्माणको लागी प्रतिष्ठानको तर्फ बाट ३१ ह्जार प्रदान गरिएको छ । डा. बिनोद रंजन–शुशिला बरालले ८ हजार ३ सय गुप्तबराहको लागी प्रदान गरिएको छ । कार्यक्रममा विराटनगर मधुमारा निवाशी साहित्यकार स्विकृति रेग्मी मुना लाई प्रतिष्ठानले दोसल्ला र सम्मान पत्रले सम्मान गरेको सोकार्यक्रमको संचालन स्मृति प्रतिष्ठानका महासचिब रामचन्द्र गौतमले बताए ।