विराटनगर । मोरङको कटहरी गाउँपालिकाले साढे ८० लाख बढी लागतको ३० वटा भन्दा बढी योजना थप गरेको छ ।शनिबार बसेको कटहरी गाउँपालिकाको दोश्रो गाउँसभाको चौथौ अधिविशेनले ३० वटा योजना हटाउँदै नयाँ ३० वटा योजना थप गर्ने निर्णाय गरेको हो ।

कटहरी गाउँपालिकाका अध्यक्ष देवराज चौधरीले योजनाहरूको प्रभावकारी कार्यान्वयका लागि आवश्यकता अनुसार योजना थपघट गर्दै कृषि तथा सिक्षा क्षेत्रको विकासमा थप नयाँ योजना तथा कार्यक्रम ल्याएको बताए । उनका अनुसार कटहरीमा माटो परीक्षण गर्न पालिकाले पाँच लाख रुपैयाँ लागतमा माटो जाँच मिनि ल्याब स्थापनाका लागि नयाँ कार्यक्रम थप गरिएको बताए । यसअघि माटो तथा वाली जाँच उपचार शिविरका लागि ६ लाख रुपैया पालिकाले वजेट विनियोजन गरेको थियो । कृषकको माग अनुसार मिनी ल्याब स्थापना गर्न प्रस्ताव ल्याइएको र त्यो चाँडै कार्यान्वयनमा आउने अध्यक्ष चौधरीले बताए ।

यसैगरी शत प्रतिशत अनुदानमा वर्षे सिजनको तरकारी मिनिकिट वितरण, तुलसी खेती गर्ने किशानलाई थप रकम अनुदान, कक्षा, ५ र ८ को स्तर मापन परीक्षा संचालन, विद्यालयमा इ–हाजिर जडान, विद्यालयलाई व्यववस्थित वनाउन डेक्सवेन्च खरिद तथा वितरण, अंग्रेजी माध्यमको पठनपाठनका लागि पाठयसमाग्री खरिद तथा वितरण, ५० प्रतिशत अनुदानमा मकै तथा गहुको विउ खरिद एंव वितरण तथा विभिन्न वडामा सडक तथा पुर्वाधर निमार्णका नयाँ योजनाहरु थप गर्दै आवश्यकता अनुसार वजेट विनियोजन गरिएको छ ।

वैठकमा गाउँपालिका उपाध्यक्ष सितादेवी राजवंशीले योजना तथा कार्यक्रम संशोधन गर्ने सम्वन्धमा प्रस्ताव पढेर सुनाएकी थिइन् । गाउँपालिका प्रमुख प्रसाशकीय अधिकृत मनोजकुमार साहले आवश्कता अनुसार योजना तथा कार्यक्रम संशोधन गर्दै आवश्यकता अनुसार वजेट विनियोजन गरिएको बताए ।
वैठकमा पालिकाको सात वटै वडाका अध्यक्ष तथा कार्यपालिका सदस्यहरुले योजना कार्यान्वयनमा जोड दिनु पर्ने बताए । वैठकमा उठेका विषयलाई संवोधन गर्दै अध्यक्ष चौधरीले कृषीक्षेत्र लगायत सामाजिक कार्यलाई बढुवा दिनेगरि वडाले योजना तथा कार्यक्रम वनाउनुपर्ने बताए ।

बैठकले १ करोड ३० लाख २० हजार ५ सय बरावारको ३० वटा योजना हटाएको छ ।