विराटनगर । विराटनगर महानगरपालिका ४ मा ४५ दिने ब्यूटिपार्लर सम्बन्धी तालिम सुरू भएको छ । विराटनगर महानगरपालिकाको आर्थिक सहयोग र गंगा ब्युटी पार्लर जामुनगाछीको सहयोगमा विराटनगरमा मंगलबारबाट तालिम सुरु भएको हो ।

महिलाहरुलाई सिप सिकाएर आत्मनिर्भर बनाउने उद्देश्यले सुरू भएको तालिममा विराटनगर ४ का ३५ जना महिलाहरुको सहभागिता रहेको गंगा ब्यूटी पार्लरकी संचालक गंगा तामाङ्गले जानकारी दिइन् ।

उक्त तालिमको उद्घाटन विराटनगर ४ का वडाअध्यक्ष जितन थापाले गरेका थिए । कार्यक्रममा बोल्दै उनले महिलाहरुलाई आत्मनिर्भर बनाउन यस्तो सिपमुलक तालिम अपरिहार्य रहेको बताए । गृहणी महिलाहरुलाई सिपसँग जोडेर आत्मनिर्भर बनाएर अगाडी बढाउने उनले बताए । कार्यक्रममा बिशिष्ट अतिथि नेकपा एमाले कोशी प्रदेशकी सदस्य तथा सौन्दर्यकर्मी सन्तोषी श्रेष्ठले तालिममा सिकेको सिप व्यवर्हारमा उतारेर अगाडी बढनुपर्ने बताइन् । महिलाहरुलाई आत्मनिर्भर बनाउन सिप मुलक तालिम आजको आवश्यकता भएको उनले बताइन् ।

कार्यक्रममा सौन्दर्यकर्मी युनियन महासंघ नेपाल (नाबुन) विराटनगरको अध्यक्ष भली सुब्बा, निर्वतमान अध्यक्ष अमिता पोखरेल, सचिब बसन्ती गुरूङ्ग, नावुन प्रदेश उपाध्यक्ष ललिता धिमाल, वडा सदस्य रन्जीत गिरीलगायतको उपस्थिती रहेको थियो ।