सुनवर्षी महराजथान आस्थाको धरोहर हो, यसको चौतर्फी विकासमा लागि पर्छौँः सांसद पोखरेल

 न्यूज विराट
सुनवर्षी महराजथान आस्थाको धरोहर हो, यसको चौतर्फी विकासमा लागि पर्छौँः सांसद पोखरेल

विराटनगर । मोरङ क्षेत्र नम्बर २ का संघीय सांसद ऋषिकेश पोखरेलले सुनवर्षी महाराजथान अस्थाको धरोहर भएकाले यसको चौतर्फी विकासमा लागि पर्ने बताएका छन् । रतुवामाई–५ स्थित सुनवर्षी महाराजथान पोखरी परिसरमा सोमबारदेखि सुरु भएको श्रीमद् भागवत सप्ताह ज्ञान माहायज्ञको उद्घाटन कार्यक्रममा बोल्दै सांसद पोखरेलले यस्तो बताएका हुन् । 

उनले कोशी नदी पूर्वका विभिन्न २१ जातीहरुको आस्था र धरोहरको केन्द्र सुनवर्षी महाराजथान भएकाले आफ्नै पहलमा सो स्थानमा जातीय संग्रालय निर्माण कार्य  सुरु गरिएको बताए । 

सांसद पोखरेलले सुनवर्षी थान सांस्कृतीक, धार्मिक तथा पर्यटकीय केन्द्र रहेकाले सोही बमोजिम आफ्नै अग्रसरतामा पर्यटकीय क्षेत्रमा रुपमा पर्यटन बोर्डमा दर्ता भएको बताए । ‘यहाँ २१ भन्दा बढी जातजातीको बसोबास छ । जसको आगनमा थान हुन्छ, विभिन्न गाउँको थान–थान मिलेर ग्रामथान र ग्रामथान–ग्रामथान मिलेर यो सुनवर्षी महाराजथान बनेको हो । यहाँको धार्मिक ऐतिहाँसिकता निकै पुरानो छ ।’ उनले भने,‘यसको विद्वानहरुबाट सम्पूर्ण अध्ययन गराएर पर्यटन बोर्डमा दर्ता गराएका छौँ ।’ 

प्रतिनिधिसभा सार्बजनिक लेखा समितिका सभापति समेत रहेको पोखरेलले आफु संविधानसभा सदस्य रहँदा सो स्थानमा विभिन्न जातीको जातीय संग्रालय स्थापना गर्ने कामको सुरुवात गरिएपनि बिचमा सो काम त्यसै अड्कीएकाले अब पुनः त्यसका लागि पहल पर्ने बताए । उनले स्थानीयतहलाई सो स्थान कस्तो बनाउने भनेर डिपिआर तयार गर्न आग्रह गर्दै सुनवर्षी महाराजथानलाई राष्ट्रियस्तरमै स्थापित गराउने काममा आफु लागि पर्ने बताए । 

कार्यक्रममा रंगेली नगरपालिकाका मेयर दिलिप बगडीयले सुनवर्षी महाराजथानलाई रंगेलीको संसारीमाइस्थान जस्तै धार्मिक पर्यटकीय क्षेत्रका रुपमा विकास गरि रोजगारी अवस्थासमेत सृजना गर्न सकिने बताए । उनले त्यसका लागि सुनवर्षी र रतुवामाई नगरपालिका लागि पर्नुपर्ने बताए । 

सो अवसरमा सुनवर्षी नगरपालिकाका मेयर श्याम राजवंशीले सुनवर्षी महाराजथान भौगोलिक हिसाबले रतुवामाई नगरपालिकामा परेपनि यसको विकास र प्रवद्र्धनमा आफु लागि पर्ने बताए ।  

कार्यक्रममा रतुवामाई नगरपालिकाका मेयर नागेश्वर प्रसाद सिंह गन्गाईले रतुवामाई नगरपालिका अगाडीको दायीत्वबाट मुक्त हुने क्रममा रहेको बताउँदै अब सुनवर्षी महाराजथानमा लगानी गर्ने प्रतिवद्धता जनाए । 

सो अवसरमा सुनवर्षी नगरपालिका–३ का वडाध्यक्ष एवम् सुनवर्षी महाराजथान संरक्षण समितिका अध्यक्ष अतनकुमार बुढाथोकीले विगतमा लथालिङ्ग अवस्थामा रहेपनि सांसद पोखरेलकै पहलकदमीमा सो स्थानमा केही संरचना र घेराबार गरि संरक्षण गरिएको बताए । उनले सुनवर्षी र रतुवामाई दुवै नगरपालिकाको विशेष ध्यान सुनवर्षी महाराजथानमा पुग्नुपर्ने बताए ।

कार्यक्रममा श्रीमद् भागवत सप्ताह ज्ञान माहायज्ञ आयोजक बाला चतुदर्शी व्यवस्थापन समितिका अध्यक्ष तेज बहादुर बरालले सात दिनसम्म चल्ने पुराण शिवालय मन्दिर निर्माणका लागि आयोजना गरिएको जानकारी दिए । 

उद्घाटन कार्यक्रममा रंगेली नगरपालिकाकी उपमेयर भूमा पराजुली, सुनवर्षी नगरपालिकार्की उपमेयर मिरादेवी दास, रतुवामाई र सुनवर्षी नगरपालिकाका विभिन्न वडाका वडाध्यक्ष तथा वडा सदस्यहरुको उपस्थिती रहेको थियो । 

उद्घाटन अघि कलशयात्रा निकालिएको थियो । आजबाट सुरु भएको श्रीमद् भागवत सप्ताह ज्ञान माहायज्ञ सात दिनसम्म चल्नेछ । 

सम्बन्धित समाचार

सुनसरीमा उत्कृष्ट काम गर्दै सरूवा भए एसपी संन्जयसिंह थापा, यस्ता छन् सफल अनुसन्धान

विराटनगर । बराइनबाट १५ दिनको बिदामा घर आएका झापाको दमक नगरपालिका–५ का ४३ वर्षीय दिनेश सिग्देलको विर्भत्स तरिकाले हत्या गरेको अवस्थामा २०७८ फागुन ४ गते सुनसरी धरान धनकुटा सडक खण्डको खर्दु सामुदायिक वनमा भेटियो ।...

खानपिन र व्यायाममा ध्यान दिए मुटुमा मात्र होइन् धेरै रोगबाट बच्न सकिन्छ

नेपालको चिकित्सा क्षेत्रमा मुटुको उपचारमा कहलिएका चिकित्सकको रूपमा चिरपरिचत रहेका छन्, डा. निकेशराज श्रेष्ठ । उनी विराटनगरस्थित न्यूरो हस्पिटलको कल्सल्टेन्ट इन्टरभेन्सनल कार्डियोलोजिष्ट हुन् । डा. श्रेष्ठले धेरै नेपाली नागरिकलाई नयाँ जिवन प्रदान गरिसकेका छन् ।...

बीबीएस चौथो वर्षको रिजल्टमा मेरिल्याण्ड कलेज फेरी नेपाल प्रथम

विराटनगर । त्रिभुवन विश्वविद्यालयले हालै प्रकाशित गरेको बीबीएस चौथो वर्षको परीक्षाको नतिजामा विराटनगर–७ स्थित मेरिल्याण्ड कलेजका छात्र प्रवेश पौडेलले नेपाल प्रथम गरेको दाबी गरिएको छ । नेपालले ८१.६ प्रतिशत अंक ल्याएर नेपाल प्रथम भएको कलेजले...

मेरिल्याण्ड कलेजलाई अर्को सफलता, सिम्रन अग्रवाल फेरी उत्कृष्ट

विराटनगर । व्यवस्थापन संकायमा सर्वोउत्कृष्ट पहिचान बनाएको विराटनगर – ७ स्थित मेरिल्याण्ड कलेजकी छात्रा सिम्रन अग्रवालले अर्काे सफलता हात पारेकी छिन् ।त्रिभुवन विश्व विद्यालयद्वारा हालै प्रकासीत विविएस चौथो बर्षको रिजल्टमा सिम्रनले सर्वाधिक ८१.२ प्रतिशत अंक...

एभरेष्ट कलेजले गर्यो कक्षा १२ का परीक्षा दिएका विद्यार्थीहरुलाई विदाई

विराटनगर । विराटनगर – ५ मा रहेको एभरेष्ट कलेजले कक्षा १२ का परीक्षा दिएका विद्यार्थीहरुलाई एक कार्यक्रमको आयोजना गरी विदाई गरेको छ । कलेजमा अध्ययनरत कक्षा १२ को आठौं ब्याचको १ सय ७४ जना विद्यार्थीहरुलाई...

दलहरूको सहमतिमै एमसीसी संसदबाट पारित हुन्छ: गृहमन्त्री खाँण

काठमाडौं, १६ पुस । गृहमन्त्री बालकृष्ण खाँणले सबै दलको सहमतिमै एमसीसी संसदबाट पारित हुने बताएका छन् । शुक्रबार पोखरामा पत्रकारहरूसँग कुराकानी गर्दै गृहमन्त्री खाँणले सबै दलको सहमतिमै एमसीसी संसदबाट पारित हुने बताएका हुन् । एमसीसी देश...

राष्ट्र बैंकका १ कर्मचारीमा पनि कोरोना संक्रमण

काठमाडौं, २८ साउन-नेपाल राष्ट्र बैंकका १ कर्मचारीमा कोरोना भाइरस (कोभिड-१९) संक्रमण पुष्टि भएको छ । राष्ट्र बैंकको मुद्रा व्यवस्थापन विभागमा कार्यरत कर्मचारीमा कोरोना पुष्टि भएको हो । सोही विभागमा कार्यरत एक कर्मचारीले एक जनामा कोरोना...

कांग्रेस सभापतिमा शेरबहादुर देउवा निर्वाचित

काठमाडौं, २९ मंसिर । नेपाली कांग्रेसको १४ औं महाधिवेशनबाट सभापतिमा शेरबहादुर देउवा दोस्रो कार्यकालका लागि निर्वाचित भएका छन् । मंसिर २४ गतेबाट राजधानीमा जारी महाधिवेशन अन्तरगत सभापतिको अन्तिम मतपरिणाम अनुसार देउवाले विजयी हासिल गरेका हुन्...

संचालक तथा सम्पादक:

अविनाशकुमार निधि

सम्पादक:

पुनम कुमारी कर्ण

सल्लाकार / सम्पादक:

ध्रुव घिमिरे

हामीलाई पछ्याउनुहोस्