संवैधानिक नियुक्ति विवादः सभामुख सापकाेटाकाे रिटमा अन्तरिम आदेश दिन सर्वोच्चको अस्वीकार - News Birat

संवैधानिक नियुक्ति विवादः सभामुख सापकाेटाकाे रिटमा अन्तरिम आदेश दिन सर्वोच्चको अस्वीकार

न्यूज विराट

संवैधानिक निकायमा पदाधिकारी नियुक्तिविरुद्ध सभामुख अग्नि सापकाेटाले दिएकाे रिटमा सर्वोच्च अदालतले कारण देखाउ आदेश जारी गरेको छ ।

न्यायाधीश प्रकाशकुमार ढुंगानाकाे एकल इजलासले संवैधानिक आयोगको नियुक्तिबारे परेको मुद्दामा राष्ट्रपतिको कार्यालय, प्रधानमन्त्री तथा संवैधानिक परिषद्को कार्यालयसहित विपक्षीका नाममा सर्वोच्च अदालतले अग्राधिकारसहित कारण देखाउ आदेश जारी गरेको हो ।

संवैधानिक निकायमा गरिएका नियुक्ति खारेजीको माग गर्दै सभामुख अग्निप्रसाद सापकोटाले गत शुक्रबार सर्वोच्चमा रिट हालेका थिए । रिटमा उनले संवैधानिक निकायमा गरिएको सिफारिस र नियुक्ति असंवैधानिक भएकाले खारेजीको माग गरेका छन् ।

यसअघि बुधबार संवैधानिक परिषद्‍को सिफारिसमा राष्ट्रपति विद्यादेवी भण्डारीले स‌ंवैधानिक निकायमा ३२ जना पदाधिकारी नियुक्त गरेकी थिइन् । पद तथा गोपनियताको सपथ लिएसँगै संवैधानिक निकायका प्रमुख र पदाधिकारीहरुले पदभारसमेत ग्रहण गरिसकेका छन् ।

संवैधानिक निकायको नियुक्ति सिफारिस भएको संसदीय सुनुवाइ हुन नसकेको भन्दै ४३ दिनपछि सभामुख  सापकोटाले नियुक्ति सिफारिसको सक्कल फाइल संवैधानिक परिषद्‍मै फिर्ता पठाइदिएका थिए ।

मा प्रकाशित

यसमा तपाईको मत:

© Copyright 2017 - 2021 Newsbirat pvt ltd. All Rights Reserved.

Design / Developed by codebundles