विराटनगर । नेपाल औषधी व्यवसायी संघ मोरङले बडादसैँ, शुभदीपावली, नेपाल संवत् छठलगायत चाडपर्वको अवसरमा शुभकामना आदान प्रदान कार्यक्रम आयोजना गरेको छ । संघले विराटनगरमा शुक्रबार एक कार्यक्रम आयोजना गरी शुभकामना आदान प्रदान कार्यक्रम आयोजना गरेको हो ।

कार्यक्रममा नेपाल औषधी व्यवसायी संघ मोरङका कार्यबहाक अध्यक्ष देशबन्धु ढकालले दसैँलगायतका सांस्कृतिक पर्वहरूले आपसी विश्वास, मित्रता र भाइचारा कायम गर्न सहयोग पुग्ने बताए । कार्यक्रममा अग्रज व्यवसायी शेखरनाथ उप्रेती, औषधी थोक व्यवसायी संघ कोशी प्रदेशका अध्यक्ष कृष्णपति लाल दास, नेपाल औषधी तथा विक्री प्रतिनधी संघ केन्द्रीय कार्यसमितिका कोषाध्यक्ष राम लुईटेल, नेपाल औषधी तथा विक्री प्रतिनिधी संघ विराटनगर इकाइका अध्यक्ष प्रमोद साहलगायतले नेपालमा मनाइने सबै चाडपर्वको समान सांस्कृतिक महत्व रहेकाले र पारिवारिक मिलन, आपसी भाइचारा अभिवृद्धिमा पनि चाडपर्वले भूमिका खेल्ने बताए । उनीहरुले दसैँलगायतका चाडपर्वले नेपालीलाई एकता, सामाजिक सदभाव र आपसी भाइचारा अभिवृद्धिमा टेवा पुग्ने उनले विश्वास व्यक्त गरे ।