विराटनगर । विराटनगरमा दोस्रो संस्करणको विराट सडक महोत्सव सुरु भएको छ । माघ १४ गतेसम्म लाग्ने सडक महोत्सवको उद्घाटन बिहीबार गरिएको हो ।

तीनदिनसम्म संचालन हुने महोत्सवमा आदीवासि जनजाति सामुदायहरूको खानाको परिकारको साथै दैनिक सांस्कृतिक कार्यक्रमहरू हुनेछन् । मन्जिना मूभिज क्रिएसनको आयोजनामा सुरु भएको महोत्सवमा दुई दर्जन बढी स्टल रहेको आयोजक संस्थाका निर्देशक जतिन ताम्राकारले जानकारी दिए ।

साँस्कृति परम्पराको प्रवद्र्धन गर्दै हुन लागेको सडक महोत्सवमा नेवारी, राजवंशी, मैथिली, लिम्बुलगायतका विभिन्न जातजाति तथा सामुदायहरूको खानाको परिकारहरू रहेको छ । ‘एतेहासिक तथा सांस्कृतिक नगरी विराटनगरको एतिहासिकता तथा सांस्कृतिक सभ्यतालाई जीवन्त राख्दै साँस्कृतिक परम्पराको प्रवद्र्धन गर्न सडक महोत्सव गरिएको हो,’ उनले भने, ‘विभिन्न सामुदायको खानाको परिकारसँग दैनिक साझमा हुने स्थानीय र राष्ट्रिय स्तरका कलाकाहरूको प्रस्तुतीले थप मनोञ्जन प्रदान गरिनेछ ।’ सडक महोत्सवमा दैनिक कलाकाहरूको नृत्य, गायन पनि प्रस्तुती हुनेछ । जहाँ खानाको परिकारसँग सडकमै बसेर सहभागिहरूले रमाइलो गर्नेछन् ।