विराटनगर । विराटनगर – ९ मा रहेको शिक्षालय एजुकेशन फाउन्डेशनले विराटनगरमा नयाँ एसिसिएको कक्षा सुरु गरेको छ । शुक्रबार एक कार्यक्रम गरी एसिसिए कोर्ष संचालनमा आएको हो ।

यो कोर्ष अध्ययनपछि विद्यार्थी विश्वव्यापी रुपमा चार्टर्ड एकाउन्टेट बन्न सक्छन् र एसिसिए कोर्षको स्कोप विश्वव्यापी रुपमा रहेको एजुकेशनका डाइरेक्टर शैलेन्द्र सिवाकोटीले बताए । ‘उच्च शिक्षा अध्ययनका लागि विदेश जान चाहने विद्यार्थीका लागि यो कोर्ष धेरै उपयोगी कोर्ष हो,’ उनले भने । यस कोर्षमा एसईई पछि नै विद्यार्थी आवद्ध हुन सक्छन् । प्लस टु, व्याचलर, मास्टर्स, सिए अध्ययनरत तथा अध्ययन सकेका विद्यार्थीले पनि यो कोर्ष अध्ययन गर्न पाउँछन् ।

साढे तीन वर्षको अवधिमा यो कोर्ष सकिने एसिसिएका कोअर्डिनेटर मनिस साहले बताए । प्लस टु सकेर अध्ययनका लागि विदेश जान चाहने विद्यार्थीले प्लस टुसँगै यो कोर्ष पनि पढ्न सक्छन् । पढ्दापढ्दै बाहिर गएपनि विश्वको जुनसुकै देशमा गएर पुरा गर्न सकिने र पास गरेका विषयहरुको आधारमा विश्वब्यापी रूपमा रोजगारको अवसर पाइने उनले बताए । ‘विद्यार्थीले जुन लेभल कटाएका छन् । सोही अनुसारको जागिर पनि पाउँछन्,’ उनले भने, ‘दक्ष तथा अनुभवी सिए र एसिसिएले पढाउने हुँदा विद्यार्थीलाई शिक्षालय एजुकेशन फाउन्डेशनमा नै गुणस्तर शिक्षा दिन सफल भएका छौं ।’

बिहान र दिउँसो एजुकेसनमा कक्षा संचालन हुनेछ । एसिसिए सर्टिफाइड भएपछि विश्वको जुनसुकै स्थानको काम घरमा नै बसेर पनि गर्न फाउन्डेसनका निर्देशक भरत सापकोटाले बताए । यस कोर्षमा हरेक क्षेत्र र तहका विद्यार्थीहरुले पढ्न पाउने अबसर प्राप्त हुने उनले बताए । उच्च शिक्षा अध्ययन तथा कामका लागि विदेश जान चाहने विद्यार्थीका लागि झनै बढी राम्रो अवसर हुने उनको भनाइ छ । ‘प्लस टु पछि उच्च शिक्षा अध्ययनको लागि बाहिर जाने प्रचलन बढ्दो छ । जसले गर्दा हरेक नेपाली विद्यार्थीले आफ्नो क्षेत्रमा सम्मानजनक काम पाउन कठिन छ तर एसिसिए गरेर जादा आफ्नो लेवलको काम पाउने हुदा विश्वमा यसको महत्व दैनिक रूपमा बढ्दो छ,’ उनले भने ।

अन्तर्राष्ट्रियस्तरको प्रोफेसनल कोर्ष भएको कारणले नेपालमा पनि अनलाइन तथा फिजिकल रोजगारको अबसर बढ्दो रहेको छ । जुन विषय फेल भयो त्यो मात्र दिदा हुने, हरेक ४–४ महिनामा जाँच दिन पाइने लगायत धेरै सुबिधाका कारणले युके बोर्डको चार्टर्ड एकाउन्टेन्ट कोर्ष नेपाल र ईन्डियन बोर्ड भन्दा धेरै सहज र महत्वपूर्ण रहेको छ । अब विद्यार्थीहरुलाई काठमाडौं जानु नपर्ने र आफ्नो शहर विराटनगरमानै गुणस्तर शिक्षा प्राप्त गर्न शिक्षालय एजुकेशन फाउन्डेशनलले सहज गराएको अर्का निर्देशक लक्ष्मण ढकालले बताए । एसिसिए कोर्समा भर्ना खुलिरहेको र इच्छुक विद्यार्थी र अभिभावकले सम्पर्क गर्न सक्ने उनले बताए । यो एसिसिए कोर्षले विद्यार्थीहरुलाई रोजगारी ग्यारेन्टेड शिक्षा दिने बताए ।

यस कोर्षको संसारका १८१ भन्दा बढि देशहरुमा मान्यता रहेको छ । यो कोर्षको ४- ४ महिनामा परीक्षा हुन्छ र एक वर्षमा ४ वटा हुन्छ । यो व्यवसाहिक शिक्षा भएकाले यसको माग दिनप्रतिदिन बढ्दो रहेको छ । काठमाडौँबाट आएका एसिसिएका प्रशिक्षक मनिस अग्रवालले विद्यार्थीहरुलाई एसिसिएबारे ओभरअल जानकारी दिए । उनले एसिसिएको माग दिनप्रतिदिन बढ्दै गएकोले पनि विद्यार्थीको आकर्षण बढेको बताए । नेपालबाट एसिसिए गरेका विद्यार्थी संसारका कुनै पनि ठाउमा गएर रोजगारी गर्ने सर्टिफिकेट प्राप्त गर्ने बताए । फाउन्डेसनमा २१ जना विद्यार्थी भर्ना भएको निर्देशक भुपाल मिश्राले जानकारी दिए । भर्ना भएका विद्यार्थीले सिए भर्ना भई दुई वर्ष पढेको र पास हुन नसकेकोले एसिसिए पास गर्न सजिलो भएको भर्ना भएक विद्यार्थीले बताए ।
असोज २८ गते आइतबारदेखि कक्षा सञ्चालन हुनेछ । उक्त कार्यक्रममा फाउन्डेशनका अन्य निर्देशकहरु भेषराज पोखरेल, ज्ञान बहादुर खड्का र प्रदीप कुमार भगतको पनि उपस्थिती रहेको थियो ।