विराटनगर । नेपाल पशुपंक्षी औषधि ब्यबसायी संघका केन्द्रिय अध्यक्षमा रितेस रिमालले उम्मेदवारी दिने घोषणा गरेका छन् । संघको वर्तमान बरिष्ठ उपाध्यक्ष रिमालले आगामि पुसमा हुने केन्द्रिय महाअधिबेशनमा अध्यक्ष पदमा उम्मेदवारी दिने घोषणा गरेका हुन् ।

केही दिन अगाडी नेपाल पशुपंक्षी औषधि ब्यबसायी संघ गण्डकी प्रदेशको पोखरामा भएकोे स्वागत, बधाई, सम्मान तथा अन्र्तक्रिया कार्यक्रममा बोल्दै रिमालले उम्मेदवारी दिने घोषणा गरे । आफु संग संघको जिल्ला समिति देखि केन्द्रिय समिति सम्मको बिभिन्न पदहरुमा रहेर काम गरेको अनुभब रहेकोले संघको अध्यक्ष भएर व्यवसायीहरुको हक हितमा काम गर्ने बताए ।

उपाध्यक्ष रिमालले आफुले संघको इतिहासमै पहिलो पटक संघको कार्यबाहक अध्यक्षको भुमिकामा काम गरेको अनुभब समेत रहेको र पशुपंक्षी औषधिको क्षेत्रलाई राम्रै संग बुझेकोले आगामि अधिबेशनमा आफु निर्बिकल्प अध्यक्षमा निर्वाचित हुने बिश्वास ब्यक्त गरे ।

विराटनगरको तीनपैनी घर भएका रिमालले ब्यबसायीहरुलाई दिईने तालिमलाई प्राथमिकतामा राखी संचालन गर्ने र आगामी दिनहरूमा पशुपंक्षी औषधि ब्यबसायीहरुले झेल्नुपरेको समस्याहरु समाधानको लागि अधिकतम पहल गर्ने प्रतिबद्धता जनाए ।