विराटनगर । विराटनगरस्थित अरनिको आवासीय सेकेण्डरी स्कुल देशभरीको टप ट्वान्टी भित्र पर्न सफल भएको छ । जुकेशन समाचारले गरेको सर्वेक्षण अनुसार अरनिको स्कुल देशभरीको ‘टप थटीन’ भित्र पर्न सफल भएको हो ।

एजुकेशन समाचारले हालै प्रकाशित गरेको सर्वेक्षण अनुसार मुलुकभर कक्षा ११ र १२ को अध्यापन गराउने ८ हजार ८ सय ६ माविहरु मध्ये उत्कृष्ट नतिजा दिएको आधारमा अरनिको स्कुल टप थटीन भित्र परेको जनाएको छ ।
सक्षम नेतृत्व, कुशल व्यवस्थापन, उत्कृष्ट शैक्षिक वातावरण तथा मिहेनती प्राध्यापक, शिक्षक शिक्षिकाहरुका कारणले अरनिको आवासीय सेकेण्डरी स्कुल उत्कृष्ट सूचीमा पर्न सफल भएको प्रिन्सिपल राजेश कार्कीले जानकारी दिए ।

मोसफलको भएपनि पूर्वी नेपालको अब्बल माविको रुपमा अरनीको स्कुल स्थापित हुन सफल भएको छ । अरनीको माविले नतिजा पनि उत्कृष्ट पस्कदैं आएको छ । वि.सं. २०५६ सालदेखि कक्षा ११ र १२ को अध्यापन गराउँदैं आएको अरनिको आवासीय सेकेण्डरी स्कुल आफ्नो लिगेसीलाई निरन्तर अब्बल नतिजामार्फत प्रमाणित गर्दै आएको छ । अरनिको आवासीय माविमा विज्ञान र व्यवस्थापन पढाइ हुन्छ । माविका प्रिन्सिपल कार्की शिक्षक र व्यवस्थापनको निरन्तरको मेहनत नै उत्कृष्ट नतिजाको कारक रहेको बताउँछन् । ‘शिक्षक र व्यवस्थापनको निरन्तरको मेहनत नै हाम्रो उत्कृष्ट नतिजाको कारक हो,’ कार्कीले भने ।

एक्स्टा परीक्षा, प्रि मेडिकल र प्रि इन्जिनियरिंग कक्षाहरु पनि माविले संचालन गर्दै आएको छ । २४ वर्षदेखि ११ र १२ कक्षाको अध्यापन गराइरहेको पूर्वी क्षेत्रको उच्च माविका रुपमा रहेको अरनिकोको आफ्नै विशेष पहिचान छ ।

सिट संख्या
विज्ञान : ७ सय
व्यवस्थापन : १ सय २०

मासिक शुल्क
विज्ञान : ६ हजार रुपैयाँ
व्यवस्थापन : ३ हजार ५ सय ५० रुपैयाँ

अन्य शुल्क
विज्ञान : ३५ हजार रुपैयाँ
व्यवस्थापन : २५ हजार रुपैयाँ