विराटनगर । नेपाली युवा उद्यमी मञ्च विराटनगर च्याप्टरको अध्यक्षमा रञ्जीत भगत चयन भएका छन् । मञ्चको १९ औं साधारणसभाले भगतको नेतृत्वमा नयाँ कार्यसमिति चयन गरेको हो ।

मञ्चको वरिष्ठ उपाध्यक्षमा सुमन भट्राई, द्वितीय उपाध्यक्षमा संजीव सिग्देल, सचिवमा रोमन कट्टेल र कोषाध्यक्षमा रितेस खनाल निर्विरोध निर्वाचन भएका छन् । त्यस्तै कार्यक्रम संयोजकमा संयम श्रेष्ठ, कानुनी संयोजकमा अभिशेक केडिया, तालिम संयोजकमा नविन झुनझुनावाला, सञ्चार संयोजकमा अर्नेश श्रेष्ठ, अन्तर संस्था संयोजकमा उत्कृष्ट भट्टराई र कार्यक्रम संयोजकमा संगीता धमला चयन भएका छन् ।

विराटनगर महानगरपालिकाका मेयर नागेश कोइरालाको प्रमुख आतिथ्यतामा भएको कार्यक्रममा मञ्चका पूर्वअध्यक्ष मनोज विक्रम शाह, युनिशराज श्रेष्ठ र सृजन प्याकुरेललाई सम्मान गरियो । कार्यक्रमलाई सम्बोधन गर्दै मेयर कोइरालाले विदेश पलायन हुने युवाको संख्या बढ्दै गएको भन्दै युवा पलायन रोक्नकालागि मञ्चले काम गर्नुपर्नेमा जोड दिए ।

कार्यक्रममा बोल्दै नेपाल उद्योग वाणिज्य महासंघ कोशी प्रदेशका अध्यक्ष राजेन्द्र राउत, उद्योग संगठन मोरङका अध्यक्ष राकेश सुराना, युवा उद्यमी मञ्चका केन्द्रीय अध्यक्ष रितेश लामिछानेलगायतले व्यवशायीक एकतामा जोड दिए ।