विराटनगर । महिलाहरूलाई आत्मनिर्भर बनाउने उद्देश्यले सुरु भएको एक महिने ब्यूर्टिपालर तालिम (एडभान्स कोर्ष) सम्पन्न भएको छ । मिनाज ब्युटि केयर एण्ड पार्लरको आयोजना र विराटनगर महानगरपालिकाको आर्थिक सहयोगमा एक महिने ब्यूर्टिपालर तालिम सोमबार समापन भएको हो ।

तालिममा विराटनगरका एक दर्जन महिलाहरूको सहभागिता रहेको थियो । तालिमको सहजिकरण मिनाज ब्युटि केयर एण्ड पार्लरकी संचालिका तथा राष्ट्रिय सौन्दर्यकर्मी युनियन विराटनगरकी अध्यक्ष भली सुब्बा गुरूङले गरेक थिइन् । कार्यक्रममा बोल्दै विराटनगर महानगरपालिका ५ का वडाअध्यक्ष सन्तोष न्यौपानेले यस्ता सिपमुलक तालिमले महिलाहरुलाई आत्मनिर्भर बन्न सहयोग पुग्ने बताए । आगमी दिनमा पनि यस्ता कार्यक्रमहरुलाई निरन्ता दिएर अगाडी बढने उनले बताए ।
सहभागीहरुले यस्ता तालिमले महिलाहरू सीप आर्जन गरि आत्मनिर्भर बनाएर स्थानिय स्तरमा दक्ष जनशक्ती तयार हुने बताए । उनीहरुले सिकेको सिप व्यर्वहारमा उतारेर अगाडी बढने बताए । कार्यक्रममा विराटनगर महागनरपालिकाकी सामाजिक विकास शाखाकी प्रमुख अनिता न्यौपानेले महिलाहरुको लागि यस्तो सिप मुलक कार्यक्रम अपरिहार्य रहेको बताइन् । कार्यक्रममा नेपाल राष्ट्रिय सौन्दर्यकर्मी युनियन कोशी प्रदेशकी सचिब कला डाँगी, विराटनगरकी निर्वतमान अध्यक्ष अमिता पोखरेललगायतको सहभागिता रहेको थियो ।