विराटनगर । नेपाल औषधि तथा बिक्रि प्रतिनिधि संघ बिराटनगर ईकाईले एक दिने अभिमुखिकरण कार्यक्रम सम्पन्न गरेको छ ।

विराटनगरमा पहिलोपटक संघले आफ्ना सदस्यहरुको लागि अभिमुखिकरण कार्यक्रम आयोजना गरेको हो ।

संघले औषधि प्रतिनिधि एमआर पेशासंग सम्बन्धित पेशागत हकहित, नितिनियम, कानुनी ब्यबस्था, अवसर र चुनौती लगायत विभिन्न महत्वपूर्ण बिषयहरुमा गहन छलफल गर्दै आफ्ना सदस्यहरुलाइ सुसूचित गराउने प्रयास गरेको छ। संस्थाका नयाँ सदस्यहरुलाइ लक्षित गरेर कार्यक्रमको आयोजना गरिएपनी संस्थाका पुराना सदस्यहरुको पनि राम्रै सहभागिता रहेको थियो।

संस्थाका ईकाई अध्यक्ष प्रमोद कुमार साहको अध्यक्षतामा कार्यक्रम सचीव दिपेन्द्र कार्कीले संचालन गरेका थिए। उक्त कार्यक्रममा ५० जना जति सदस्यहरुको सहभागिता रहेको थियो।

कार्यक्रम संस्थाका सह–सचिव अनुप लामाको संजोकत्व तथा कोषाध्यक्ष तेज नारायण साहको बिशेष ब्यबस्थापनमा सप्पन्न गरिएको थियो। जसमा मुख्य प्रशिक्षक एनएमएसआरए केन्द्रका सचिव कृष्ण खत्याडीले श्रमअधिकारका बारेमा जानकारी गराउदै श्रमिकले पालना गर्नु पर्ने कर्तव्यहरुका बारेमा जानकारी गराएका थिए । सोहि कार्यक्रममा बरिष्ठ प्रसुति तथा स्त्रीरोग विशेषज्ञ डा. बालकृष्ण साहले एम आरहरु अनुशासित हुँदै ईमान्दार हुनुपर्ने र चिकित्सकसंग आफ्नो व्यक्तिगत सम्बन्ध राम्रो बनाउन सके पेसामा मात्र नभई जीवनमा पनि सफल रहने बताए । औषधि ब्यबसायी संघ मोरङका अध्यक्ष लक्ष्मी तिम्सिनाले औषधी व्यवसायी र एमआर बिचको सम्बन्धका चर्चा गरेका थिए ।

कार्यक्रममा संस्थाका केन्द्रीय महासचिव सुनिल श्रेष्ठ, केन्द्रिय सदस्य राजेश अधिकारी संस्थाका पुर्व उपाध्यक्ष राम लुइँटेल, बरिष्ठ सदस्य अन्जेस साह लगायतले आ–आफ्नो धारणा राख्दै पेशागत मुल्यलाइ कसरी अझ मजबुत र उच्च बनाउन सकिन्छ भन्ने कुरामा जोड दिएको थियो ।

कार्यक्रममा अतिथिहरुलाई संस्थाको तर्फबाट मायाको चिनो प्रदान गरिएको थियो। संघको पहिलो अभिमुखिकरण कार्यक्रम रहेको र आउने दिन मा थप सक्रियताका साथ यस्ता कार्यक्रमहरु संचालन हुने जानकारी सचीव दिपेन्द्र कार्कीले बताए ।

कार्यक्रम आयोजना गर्न मेरिल्याण्ड कलेजले सहयोग स्वरूप सभाहल प्रदान गरेकोमा धन्यवाद दिदै अध्यक्ष प्रमोद कुमार साहले कार्यक्रम समापन गरेका थिए ।