विराटनगर । नेपाल फर्मास्युटिकल्स एशोसिएशनको अध्यक्षमा ललित मोहन पन्त निर्वाचित भएका छन् । प्राप्त मतमरिणाम अनुसार ललितमोहन पन्तले ५४० मत ल्याएर अध्यक्षमा निर्वाचित भएका हुन् ।
उनका निकटतम प्रतिस्पर्धी डा रोभसकुसुम सुवेदीले ३६४ मत मात्रै प्राप्त गरे । तेस्रो भएका फुलगेन शाहले ६३ मात्र मत पाए ।

दुईवटा उपाध्यक्ष पदमा अमृत गौरोले ४१४ मत र देवानन्द साह ३९३ मत प्राप्त गरी बिजयी भए । यस्तै महिला उपाध्यक्षमा सञ्जीता विष्टले ४८४ मत प्राप्त गरि विजयी भईन् ।

महासचिवमा सञ्जीव शर्मा कट्टेल ५१८ मत ल्याएर निर्वाचित भए । उनका प्रतिस्पर्धी धिरज रौनियारले ४४२ मत मात्रै प्राप्त गरे ।

दुईवटा सचिव पदमा केदार प्रसाद साह र विवेक श्रेष्ठले क्रमश ४४२ र ४५० मत प्राप्त गरि विजयी भए । यस्तै कोषाध्यक्ष पदमा गोपिना राईले ५४१ मतका साथ विजयी प्राप्त गरिन् ।

सहकोषाध्यक्षमा ५२९ मत ल्याएर निर्मलराज मरासैनी बिजयी भए । प्रचार सचिवमा ६०६ मतका साथ अनिश श्रेष्ठ बिजयी भए ।

सदस्यहरुमा सृष्टि प्रजापति र मनोज भट्टराईले क्रमश ३५५ र २५९ मत ल्याएर विजयी भएका छन् । महिला सदस्यमा भने ४९३ मतका साथ सौभाग्य डंगोल विजयी बनिन् ।

शनिबार सम्पन्न निर्वाचनमा कुल ९९२ मत खसेको थियो । नेपाल फर्मास्युटिक्ल एशोसिएशन निर्वाचनमा ललितमोहन पन्त नेतृत्वको समूहको बर्चश्व रहेको छ । महिला उपाध्यक्ष बाहेक पदाधिकारीमा पन्तको नेतृत्वको समूह निर्वाचित भएका छन् ।

कसको कति आयो मत ?