विराटनगर । १२ औं संस्करणको प्याब्सन स्पोर्ट्स मिट आज दिउँसो ११ बजेबाट सुरू हुदैछ । प्रदेश १ का मुख्यमन्त्री हिक्मत कार्कीले प्याब्सन स्पोर्ट्स मिटको उद्घाटन गरेपछि औपचारिक रूपमा सुरू हुनेछ ।

प्याब्सन मोरङको आयोजनामा भएको स्पोर्ट्स मिटमा एक दर्जन खेलहरू समावेश रहेको छ ।
प्याब्सन स्पोर्ट्स मिट अन्तर्गत फुटबल खेल बिहीबारदेखि सुरू भएको छ । विराटनगरको जुट मिलको खेलमैदानमा भएको फुटबलमा पाँच वटा विद्यालय विजयी भइ दोस्रो चरणमा प्रवेश गरेको छ ।

प्रतियोगिता अन्तर्गत पहिलो खेलमा हरैचा मोर्डल विजयी भएको छ । सुन्दरहरैचा नगरपालिकास्थित ब्राइट फियुचर स्कुललाई ५–० गोल हराउँदै हरैचा मोर्डल विजयी भएको हो । जितको लागि हरैचा मोर्डलका कृष्ण कार्की दुई गोल, सुप्रिम विष्टले २ गोल र नारयण सुवेदी १ गोल गरेका थिए ।

सोही दिन भएको दोस्रो खेलमा उर्लाबारीको मोरङ मोर्डन स्कुल विजयी भएको छ । सुन्दरहरैचाको राइजिङ्ग सुन्दरहरैचा स्कुललाई ट्राइबेकरमा ४–३ गोलले हराउँदै मोरङ मोर्डन स्कुल विजयी भएको हो ।

तेस्रो खेलमा शिक्षा सदन स्कुल विजयी भयो । शिक्षा सन्देश बेलबारीले सगरमाथा बेलबारीलाई ४–० हरायो । जितको लागि शिक्षा सन्देशका आशेष मगरले एक्लै चार गोल गरेका थिए ।

चौथो खेलमा पथरीको बालमिकी स्कुल विजयी भयो । माउन्ट मकालु स्कुल नआएपछि वाकओभर पाएर पथरीको बालमिकी स्कुल विजयी भयो ।

पाँचौ खेलमा रंगेलीको मिनीबेन्ड स्कुल विजयी भयो । विराटनगरको बिकेभिए स्कुल नआएपछि मिनीबेन्ड स्कुलले वाकओभरमा विजयी भएको हो ।
आज शुक्रबार चार खेल हुनेछ ।