विराटनगर । भारतदेखि अवैध रुपमा चोरी तस्करी भएर आएको माछा प्रहरीले बरामद गरेको छ । इलका प्रहरी कार्यालय रानी विराटनगरले अवैध रुपमा आयत गरिएको माछा बिराटनगर १६ दरैया स्थित उखुबारीबाट बरामद गरेको हो ।

भारत बाट नेपाल तर्फ लुकाई छिपाई को. ५प. ९६८४ नम्बरको मोटरसाइकलमा करिब २०० केजी माछा लोड गरी ल्याउदै गरेको अवस्थामा प्रहरीले बरामद गरेको मोरङ प्रहरीका प्रवक्ता डिएसपी दिपक श्रेष्ठले जानकारी दिए । प्रहरीले बरामद गरेको माछा करिब ४० हजार मुल्य बराबरको रहेको छ ।

यसैरी इप्रका रानीले विराटनगर १४ स्थित सिँगिया खोलामा अवैध रुपमा उत्खननमा प्रयोग भएको ट्याक्टर नियन्त्रणमा लिएको छ । को.२ त. ५९३० नम्बरको ट्याक्टरमा अवैध रुपमा बालुवा उत्खन्न गरी बालुवा लोड गर्दै गरेको ट्याक्टर नियन्त्रणमा लिएको प्रहरीले जनाएको छ ।