बाहिरियाे विराट-अनुष्का पुत्रीकाे तस्वीर - News Birat

बाहिरियाे विराट-अनुष्का पुत्रीकाे तस्वीर

न्यूज विराट

एजेन्सी, १० माघ । भारतीय क्रिकेट टिमका पूर्व कप्तान विराट कोहलीकी छोरी भमिकाको तस्वीर सामाजिक सञ्जालमा भाइरल भएको छ । अभिनेत्री अनुष्का र विराटले छोरीको तस्वीर अहिलेसम्म सार्वजनिक गरेका थिएनन् ।

तर दक्षिण अफ्रिकासँग गए राति खेलिएको खेलमा अनुष्कासँग भमिका देखिएकी थिइन् । मैदानमा विराटको खेलको हुटिङ गर्ने क्रममा दर्शकदिर्घामा रहेकी छोरीसँग अनुष्काको तस्वीर खिचिएको हो ।

यो तस्वीर अहिले सामाजिक सञ्जालमा भाइरल बनेपछि पनि विराट र अनुष्काले त्यसलाई प्रकाशन नगरिदिन अपिल गरेका छन् ।

छोरीको गोपनीयता र स्वतन्त्रतालाई ख्याल राख्ने भन्दै विराट-अनुष्का जाेडीले उनको तस्वीर सार्वजनिक गरेका थिएनन् । उनीहरूले अहिले पनि आफूहरू उक्त निर्णयमा अडिग रहेकोले सहयाेग गर्न फाेटाेपत्रकार र सञ्चारमाध्यम लगायतसँग अपिल गरेका छन् ।

मा प्रकाशित

यसमा तपाईको मत:

© Copyright 2017 - 2022 Newsbirat pvt ltd. All Rights Reserved.

Design / Developed by codebundles