विराटनगर, २३ साउन । निरन्तर सामाजिक कार्यमा सक्रिय रोटरी क्लब अफ विराटनगर डाउनटाउनको आयोजनामा महिलाहरुका लागि तिन महिने सिलाई/कटाई तालिम सुरु भएको छ ।

गृहिणी महिला र युवतिहरुलाई आर्थिक रुपमा सवल बनाउन डाउन टाउनले तीन महिने निःशुल्क सिलाई/कटाई तालिम सञ्चालन गरेको हो । विराटनगर–४ स्थित खार्जी टोलका महिलाहरुलाई स्वरोजगार बनाई आर्थिकरुपमा सक्षम बनाउने उद्देश्यले तालिम सञ्चालन गरिएको रोटरी क्लब अफ विराटनगर डाउनटाउनकी अध्यक्ष रेखा राठीले जानकारी दिइन् ।

आइतबारदेखि सुरु भएको तालिममा स्थानीय २० जना महिलाहरुको सहभागीता रहेको क्लबकी सचिव नमिता टिवडेवालले बताइन् । तालिमको उद्घाटनमा वडाध्यक्ष जितेन थापा, सन्तोष तोदी, मुक्ता तोदी, लता तोदी, निरु नेवटिया, क्लबका पदाधिकारी र सदस्यहरुको उपस्थिती रहेको डाउनटाउनकी पब्लिक इमेज कमिटी चेयर सपना सिंघलले जानकारी दिइन् ।