विराटनगर, १५ साउन । पछिललो समय विराटनगरमा फेरी कोरोना संक्रमण बढ्दै गएपछि यस वर्ष पनि राधाकृष्ण रथयात्रा सामान्यरुपमा निकालिने भएको छ । कोरोना संक्रमण फैलिने जोखिमका कारण विगत जस्तो तामझामसहित रथयात्रा ननिकालिने भएको हो ।

शुक्रबार जिल्ला प्रशासन कार्यालय मोरङमा भएको छलफलमा भीडसहितको रथयात्रा ननिकालिने निर्णय भएको हो । रथयात्रामा विराटनगरमा लाग्ने लाखौंको भीडका कारण कोरोना संक्रमण फैलिने जोखिमका कारण विशाल रथयात्रा प्रशासनले निकाल्न नदिने भएको हो ।

सो छफफलमा प्रमुख जिल्ला अधिकारी काशिराज दाहाल, मोरङ एसपी शान्तिराज कोइराला, सशस्त्र एसपी राजकुमार लामिछाने र श्रीराधाकृष्ण मन्दिर कार्यसमितिका अध्यक्ष कैलाश रेग्मीलगायतको सहभागीता थियो ।

विराटनगरमा श्रीकृष्ण जन्माष्टमीको भोलीपल्ट ऐतिहासिक राधाकृष्ण रथयात्रा निकालिने परम्परा छ । एसियाकै दोश्रो ठूलो मानिने रथयात्राको भदौ ४ गते आयोजना हुनेछ ।

गत वर्ष पनि कोरोना महामारीकै कारण राधाकृष्णको मूर्ति राखिएको खटलाई मिनीट्रकमा हालेर कतै नरोकी बजार परिक्रम गराइएको थियो । मन्दिरका अध्यक्ष रेग्मीले कोरोना संक्रमण बढीरहेका कारण मोरङ प्रशासनले भीडभाड नगरि स्वास्थ्य मापदण्ड पालना गर्दै सामान्य रुपले निकाल्न भनेको बताए ।

उनले आफुहरु सरकारले दिने निर्देशन उल्लंघन गर्ने पक्षमा नरहेको बताए । अध्यक्ष रेग्मीले प्रशासनले डोरी तानेर रथ संचालन गर्न दिए सोही बमोजिम गर्ने नत्र गत वर्षझैँ हुने जानकारी दिए । मोरङका प्रमुख जिल्ला अधिकारी काशिराज दाहालले सामान्य विधि पपुर्याएर रथयात्रा मनाउर्नेशन दिइएको बताए ।