काठमाडौं । गृहमन्त्री एवं नेपाली कांग्रेसका केन्द्रीय सदस्य बालकृष्ण खाणले नेकपा माओवादी केन्द्र एक्लै चुनाव नलड्ने दाबी गरेका छन् । कांग्रेसको जारी केन्द्रीय समिति बैठकमा आज कुरा राख्दै उनले यस्तो बताएका हुन् ।

‘गठबन्धनविना माओवादी एक्लै चुनाव लड्दै लड्दैन । उसले कुनै अर्को पार्टनर खोजिहाल्छ’, उनले भने, ‘गठबन्धन भयो भने कसैको पनि सीट जानसक्छ । यसका लागि सबै तयार रहनुपर्छ ।’ अहिलेमात्र होइन धेरै पछाडिसम्म पनि गठबन्धनको आवश्यकता रहेको उनले बताए ।