विराटनगर, २१ वैशाख । नेपाली कांग्रेसका नेता महेश आचार्यले प्रधानमन्त्री हुँदा एमाले अध्यक्ष केपी शर्मा ओलीले प्रदेश र स्थानीयतहको अधिकार खासेको आरोप लगाएका छन् ।

बुधबार विराटनगरमा नेपाली कांग्रस मोरङले आयोजना गरेको चुनावीसभालाई सम्बोधन गर्दै नेता आचार्यले यस्तो आरोप लगाएका हुन् ।

पूर्वअर्थमन्त्रीसमेत रहेका नेता आचार्यले संविधान निर्माण गर्दा प्रदेश र स्थानीयतहलाई प्रदान गरिएको अधिकारलाई संकूचीत बनाएको बताए ।
नेता आचार्यले ओलीले प्रधानमन्त्री हुँदा मुलुकलाई अस्तव्यवस्त बनाएको दावी गरे ।

उनले ओली सरकारको असक्षमताका कारण वैदेशिक सहायता परिचालन हुन नसकेर मुलुक अस्तव्यवस्त बनेको र त्यसलाई सुधार गर्न कांग्रेसले निर्वाचन जित्नुपर्ने बताए ।