विराटनगर, २ फागुन । विराटनगरका उद्योगी श्रवण अग्रवालमाथि कुटपिट गर्नेलाई कारबाहीको माग गरिएको छ । विराट व्यापार संघले एक विज्ञप्ती प्रकाशित गर्दै कुटपिटमा संलग्न पवन शर्मालाई कारबाही गर्न माग गरेको हो ।

व्यापार संघले अग्रवालमाथि ज्यान मार्ने उद्देश्यले आक्रमण भएको आरोप लगाउँदै उक्त घटनाको भत्र्सना गरेको छ । ‘उद्योगपती अग्रवालमाथि भएको अपराधिक एवम् निन्दनीय सांघतिक आक्रमणको घोर भत्र्सना गर्दछौँ ।’ विराट व्यापार संघका अध्यक्ष सुजन थापाद्वारा जारी विज्ञप्तीमा भनिएको छ ।

उद्योगस् अग्रवालमाथि शनिबार शनिहाट चोकदेखि उत्तर मेनरोडमा कुटपिट भएको थियो । विराटनगरको शनिहाटदेखि उत्तरतर्फ मेनरोडस्थित पान पसलमा पान खाइरहेका बेला उनीमाथि कुटपिट भएको थियो । कुटपिटबाट अग्रवाल घाइते भएका छन् । उनको टाउको, मुखमा चोट लागेको छ ।

कुटपिटबाट घाइते भएका अग्रवालको मुखभित्र ८ वटा टाँका लागेको पारिवारिक स्रोतले जनाएको छ । चोटका कारण अग्रवाललाई खान पिउन समेत समस्या भएको जनाइएको छ ।

घरैमा बसेर उपचार गराइरहेका अग्रवाल नेपाल उद्योग वाणिज्य महासंघ प्रदेश १ का कार्यकारी सदस्यसमेत हुन् । उनिमाथि विराटनगर–२ का पवन शर्माले आक्रमण गरेका थिए ।