प्रदेश १ मा १६ जना कोरोना संक्रमित थपिए
विराटनगर १ माघ । प्रदेश १ मा आज १६ जना कोरोना संक्रमित थपिएका छन् । मोरंगमा ८, झापा र सुनसरीमा ३–३, धनकुटा र प्रदेश १ बाहिरका १–१ जना रहेको सामाजिक विकास मन्त्रालयले जनाएको छ ।...
काठमाडौं, ६ मंसिर । गैरआवासीय नेपाली संघ एनआरएनएका अध्यक्ष कुमार पन्तले निर्वाचित कार्य समितिलाई वैधानिक काम गर्न बन्देज लगाएर नेपाल सरकारले एनआरएनएको स्वतन्त्रतामाथि नांगो हस्तक्षेप गरेको बताएका छन् ।
सरकारले निर्वाचित कार्य समितिलाई दीर्घकालिन महत्वका निर्णय नगर्न लिखित पत्राचार गर्दै निर्वाचन गराउन संरक्षण समितिलाई जिम्मेवारी दिएको पत्र एनआरएन आइसीसीलाई पठाए लगत्तै पन्तले सो प्रतिक्रिया दिएका हुन् ।
हाल नेपालबाहिर रहेका पन्तले एनआरएनमाथि सरकारले नांगो हस्तक्षेप गरेकाले यसको सशक्त प्रतिवाद गर्ने बताए।
वर्तमान कार्य समितिले निर्वाचन गराउन खोज्दा पटक पटक सरकारले हस्तक्षेप गरेको पन्तले बताए । उनले सरकार एनआरएनमा राजनीति गर्न अग्रसर भएको आरोप लगाए ।
यसअघि एमाले अध्यक्ष केपी शर्मा ओलीले परमादेशबाट बनेको सरकारले एमालेसँग प्रतिस्पर्धा गर्न नसकेपछि एनआरएनमा राजनीति गरेको टिप्पणी गरेका थिए ।
