विराटनगर, २३ कात्तिक । विराटनगर हाटखोलास्थित मोरङ कारागारमा कदैदीबन्दीबिच झडप भएको छ । कारागारभित्र रहेका कैदीबन्दीको दुई समुहबिच आज विहान समुहबिच झप भएको हो । झडपमा आधा दर्जन कैदीबन्दी घाइते भएका छन् ।

विराटनगर कारागारका चौकीदार किरण गुरूङ र अर्का कैदी कात्तिक कामतको समुहबिच झडप हुँदा ६ जना कैदीबन्दी घाइते भएको मोरङ कारागारका निमित्त जेलर रामप्रसाद पोखरेलले जानकारी दिए । ‘किरण गुरुङ भन्ने चौकीदारको टिमविरुद्ध अर्कोएउटा टिम खडा भएको रहेछ । १०/१२ जना विरुद्ध अरु लागेर झडप भएछ । गुरुङसहित १४ जनालाई उद्धार गरेर निकालेका छौँ ।’ उनले भने,‘ झडपमा घाइते भएका छ जनालाई उपचारका लागि कोशी अस्पताल पठाएइको छ । उनीहरुलाई सामान्य चोटपटक लागेको छ ।’

पोखरेलले झडपमा चौकिदार गुरुङ, नाइकेहरु शेखर राई, निर्मल ढकाल, बिशाल मुक्ताङ, डिल्ली देवान र सूर्यदीप गुप्ता घाइते भएको बताए।

चौकीदार गुरुङको समुहले अन्य कैदीबन्दीलाई यातना दिनेगरेको भन्दै झडप भएको हो । चौकिदार गुरूङको शोषण र यातना सहन नसकेको भन्दै उनको समूहका १४ जना नाइके र भाइ नाइकेहरूविरुद्ध अर्को समुह खडा भएको हो । दुवै समुहबिच विवाद हुँदा झडप भएको निमित्त जेलर पोखरेलले बताए ।