काठमाडौं, २५ साउन । नेकपा एमालेले आजका लागि स्थायी कमिटी र केन्द्रीय कमिटीको बैठक बोलाएको छ । आज बिहान ११ बजे बस्ने गरी स्थायी कमिटी र दिउँसो ३ बजे बस्नै गरी केन्द्रीय कमिटीको बैठक बोलाइएको छ ।

बैठक ललितपुरको च्यासलस्थित तुलसीलाल प्रतिष्ठानमा बस्ने एमाले केन्द्रीय कार्यालयका सचिव शेरबहादुर तामाङले जानकारी दिए ।

बैठकमा दशौं महाधिवेशनका बारेमा छलफल हुने बताइएको छ ।

एमालेका दुवै पक्षले पार्टीका बैठक राख्दै आएका छन् । केही दिन पहिले माधव नेपाल पक्षले पनि स्थायी कमिटी र केन्द्रीय कमिटीको बैठक राखेको थियो ।