काठमाडौं, ४ असार । नेकपा एमालेका वरिष्ठ नेता एवं पूर्वप्रधानमन्त्री झलनाथ खनालको स्वास्थ्यमा सुधार आएको छ । भारतको दिल्लीस्थित एपोलो अस्पतालमा उपचाररत खनालको स्वास्थ्यमा सुधार आएको उनको सचिवालयले जनाएको छ । मिर्गौलामा समस्या भएपछि नेता खनाललाई बुधबार भारत लगिएको थियो ।

यसअघि नेता खनाललाई ज्वरो आएपछि थाापाथलीस्थित नर्भिक अस्पतालमा भर्ना गरिएको थियो । रगतमा हेमोग्लोबिनको कमी देखिएपछि उनलाई आकस्मिक कक्षबाट वार्डमा सारेर अक्सिजनको सपोर्टमा उपचार गरिएको थियो । परीक्षणका क्रममा मिर्गौलामा समस्या देखिएपछि चिकित्सकको सल्लाहबमोजिम उनलाई दिल्ली लगिएको हो ।