काठमाडौं, ८ जेठ । नेपालमा पछिल्लो २४ घण्टामा ८ हजार ९८० कोरोना भाइरस संक्रमित थपिएका छन् । स्वास्थ्य मन्त्रालयका अनुसार २० हजार १०५ नमुनाको पीसीआर र एन्टिजेन विधिबाट परीक्षण गर्दा सो संख्यामा कोरोना संक्रमित थपिएका हुन् ।

योसँगै नेपालमा कुल कोरोना संक्रमितको संख्या ५ लाख नाघेको छ । मन्त्रालयका अनुसार अहिलेसम्म ५ लाख ५ हजार ५४३ जनामा संक्रमण पुष्टि भएको छ । योमध्ये १ लाख १५ हजार ८०५ संक्रमित सक्रिय छन् ।

३ लाख ८३ हजार ६८४ संक्रमित निको भएका डिस्चार्ज भएका छन् भने संक्रमणबाट ६ हजार १५३ ले ज्यान गुमाएका छन् ।