बाँकेमा थप तीन जना कोरोना संक्रमितको मृत्यु भएको छ ।

कोरोना संक्रमणबाट बाँकेका दुई र दाङका एक जनाको उपचारका क्रममा मृत्यु भएको स्वास्थ्य कार्यालय बाँकेका कोरोना फोकलपर्शन तेज ओलीले जानकारी दिए ।

उनका अनुसार नेपालगञ्ज उपमहानगरपालिका–३ का २६ वर्षीय कोरोना संक्रमित पुरुषको नेपालगञ्ज नर्सिङमा मृत्यु भएको हो ।

यस्तै, कोहलपुर–१ की ६० वर्षीया महिलाको भेरी अस्पताल र दाङको तुलसीपुर उपमहानगरपालिका–९ की ७४ वर्षीया महिलाको मंगलबार बिहान मृत्यु भएको फोकलपर्शन ओलीले बताए ।

योसँगै बाँकेमा कोरोना संक्रमणबाट मृत्यु हुनेको संख्या ९२ पुगेको छ ।