नेकपा एमालेका नेता रामबहादुर थापा बादल गृहमन्त्रीमा नियुक्त भएका छन् ।

प्रधानमन्त्री केपी शर्मा ओलीको सिफारिसमा राष्ट्रपति विद्यादेवी भण्डारीले आइतबार बादललाई गृहमन्त्रीमा नियुक्त गरेकी हुन् । राष्ट्रियसभा सदस्यबाट पदमुक्त भएसँगै बादल गृहमन्त्रीबाट पनि स्वत: पदमुक्त भएका थिए ।

पदमुक्त भएलगत्तै प्रधानमन्त्री ओलीले गृहमन्त्री थापालाई गृहमन्त्रीमा नियुक्त गर्न राष्ट्रपति भण्डारीसमक्ष सिफारिस गरेका थिए । प्रधानमन्त्रीका सञ्चार विज्ञ रामशरण बजगाईंका अनुसार गृहमन्त्री बादललाई शीतलनिवासमा साँझ ५ बजे शपथग्रहण गराउने तय भएको छ ।  सांसद नरहेका व्यक्ति ६ महिनासम्म मन्त्री हुन पाउने संवैधानिक व्यवस्था छ । थापा त्यही संवैधानिक व्यवस्थाअनुसार फेरि गृहमन्त्री बनेका हुन् ।