आज ३ हजार ९३ जनामा कोरोना संक्रमण
काठमाडौं, ४ कात्तिक-गत २४ घण्टामा देशभर ३ हजार ९३ जनामा कोरोना संक्रमण पुष्टि भएको छ । १३ हजार ८ सय ६१ को पीसीआर गर्दा आज ३ हजार ९३ जनामा कोरोना पुष्टि भएको हो । योसहित...
विराटनगर, ३० माघ । विराट राजवंशी समाज उत्थान समितिले आफ्नो जातिय पहिचान सुचिकृतगर्न मागगर्दै मोटरसाईकल ¥याली सहित खबरदारी सभा गरेको छ ।
समितिले बिराटनगरमा मोटरसाईकल ¥यालीसहित खबरदारी सभा गरेको हो । समितिको अगुवाईमा विराटनगरको राजवंशीचोकबाट आज बिहान निकालिएको मोटरसाईकल ¥यालीले नगरपरिक्रमा गरेको थियो ।
नगरक्षेत्रको परिक्रमापछि स्थानीय जिल्ला प्रशासन चोकमा पुगेर मोटरसाईकल ¥याली खबरदारी सभामा परिणत भएको थियो । सो अवसरमा बोल्दै विराट राजवंशी उत्थान समितिका युवा अध्यक्ष कुशेश्वर राजवंशीले आफुहरुले लामो समयदेखी विराट राजवंशी समुदायको पहिचान सूचीकृतगर्न माग गर्दै आएपनि राज्यले सुनवाई नगरेको बताए ।
समितिका केन्द्रीय सभापति भुवनेश्वर मण्डल राजवंशीले विराट राजवंशीहरुको पहिचान अन्य राजवंशीभन्दा पृथक र मौलिक रहेपनि राज्यले हालसम्म सूचीकृत नगरेको आरोप लगाए ।
उनले २०७८ सालभित्र समुदायको पहिचान स्थापित गराउन समिति शान्ति वा क्रान्ति दुवै पाटो पहिल्याएर अघि बढ्ने चेतावनी दिए । मोरङ अध्यक्ष प्रदीपकुमार विश्वास राजवंशीले विराट राजवंशीहरु शान्तिप्रिय समुदाय रहेकाले शान्तिपुर्ण ढंगले आफ्ना माग सम्बोधन गराउने पक्षमा रहेको बताए ।
उनले समुदायले उठाएका मागलाई सरकारले सम्बोधन नगरे विराट राजवंशीहरु कडा संघर्षमा होमिन बाध्य हुने चेतावनी दिए । समितिले विभिन्न ९ बुंदे माग सहित खबरदारी सभा र मोटरसाइकल ¥याली आयोजना गरेको हो । आउदो ६ गते समितिले विराटनगरमा बृहत सभा आयोजना समेत गर्ने भएको छ जनाइएको छ ।
