काठमाडौं, १६ मंसिर-नेपालमा पछिल्लो २४ घण्टाको अवधिमा थप १ हजार ३०४ जनामा कोरोना भाइरस संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार ८ हजार ५८३ जनाको नमुना पीसीआर विधिबाट परीक्षण गर्दा ५०१ महिला र ८०३ महिलामा कोरोना संक्रमण पुष्टि भएको छ ।

योसँगै नेपालमा कोरोना संक्रमितको संख्या २ लाख ३३ हजार ४५२ पुगेको छ । कुल संक्रमितमध्ये १६ हजार ६३३ जना सक्रिय संक्रमित रहेका छन् ।

पछिल्लो २४ घण्टाको अवधिमा थप २ हजार ७३ जना संक्रमित डिस्चार्ज भएको मन्त्रालयले जनाएको छ । योसँगै अहिलेसम्म २ लाख १६ हजार ५९४ जना संक्रमित निको भएका छन् ।

त्यस्तै, आज थप २१ जनाको कोरोनाबाट मृत्यु भएको मन्त्रालयले जनाएको छ । अहिलेसम्म १ हजार ५२९ जना संक्रमितको मृत्यु भएको मन्त्रालयको तथ्यांक रहेको छ ।