सोमबार दिउँसो करिब ११ बजेतिर  प्रहरीको गस्ती टोलीमाथि विप्लव कार्यकर्ताले गोली प्रहार गरेपछि प्रहरीले जवाफी फायरिङ गर्दा केहीबेर गोली हानाहान भएको जिल्ला प्रहरी कार्यालय संखुवासभाका डीएसपी नवराज मल्लले जानकारी दिए ।

गोली हानाहानमा कुनै मानवीय क्षति नभएको प्रहरीले जनाएको छ । प्रहरी र विप्लव कार्यकर्ताबीच दोहोरो गोली हानाहान भएपछि त्यस क्षेत्रमा ठूलो संख्यामा प्रहरी परिचालन गरिएको जिल्ला प्रहरी कार्यालय संखुवासभाले जनाएको छ। सुरक्षाकर्मी परिचालन गरेर विप्लव कार्यकर्ताको खोजी तीव्र पारिएको प्रहरीले जनाएको छ।