विराटनगर, १२ असोज–सुनसरीको धरानस्तिथ बीपी कोइराला स्वाथ्य विज्ञान प्रतिष्ठानमा कोरोना भाइरसको संक्रमणका कारण एक महिलाको मृत्यु भएको छ । ज्वरो, खोकी, स्वासप्रश्वासमा समस्या र निमोनियाको लक्षण भएर आइतबार राती ११.५० बजे प्रतिष्ठानको इमेरजेन्सी वार्डमा भर्ना भएकी धरान उमहागरपालिका–२ की ३८ वर्षिया महिलाको मृत्यु भएको हो ।

सोमबारनै कोरोना संक्रमण पुष्टि भएकी महिलाको उपचारका क्रममा मृत्यु भएको प्रतिष्ठानका प्रवक्ता डा. निदेश सापकोटाले जानकारी दिए । डा. सापकोटाका अनुसार मृतक महिलामा कुनैपनि प्रकारको दिर्घरोग नभएनि इमरेजेन्सीमा भर्ना हुँदा अत्याधिक मात्रामा ब्लड सुगर देखिएको थियो । योसँगै प्रदेश १ मा कोरोना संक्रमणबाट मृत्यु हुनेको संख्या ६४ पुगेको छ । जसमध्ये १३ जना प्रदेश १ बाहिरका हुन् ।