मोरङमा भदौ २२ गतेसम्म निषेधज्ञा - News Birat

मोरङमा भदौ २२ गतेसम्म निषेधज्ञा

न्यूज विराट

विराटनगर, १६ भदौ-जिल्ला प्रशासन कार्यालय मोरङले जिल्लामा जारी निषेधाज्ञालाई खुकुलो प्राबधानसहित एक साता लम्ब्याउने निर्णय गरेको छ । यसअघि दुई पटक थप भएको थियो ।

आज फेरी निषेधाज्ञा २२ गते राति १२ बजेसम्मको लागि लम्ब्याउने निर्णय भएको जिल्ला प्रशासन कार्यालय मोरङले जनाएको छ । निषेधाज्ञाको अबधिमा जोर गते जोर नम्बरका र बिजोर गते बिजोर नम्बरका निजी सवारी साधन सञ्चालन गर्न पाइने भएको छ । सार्वजनिक सवारी साधन सञ्चालनमा रोक लगाइएको भएपनि सिटीरिक्सा सञ्चालन गर्न खुल्ला गरिएको छ ।

बजार तथा पसल अब ४ बजेसम्म खुल्ला हुने भएको छ । यसअघि दिनको १२ बजेसम्म मात्र बजार तथा पसल खुल्ला गरिएको थियो । प्रशासनले शनिबार भने अत्यावश्यक बाहेकका सवै पसल सञ्चालनमा रोक लगाएको । प्रमुख जिल्ला अधिकारी कोषहरि निरौलाले जानकारी दिए ।

हेर्नुहोस सुचना

 

मा प्रकाशित

यसमा तपाईको मत:

© Copyright 2017 - 2022 Newsbirat pvt ltd. All Rights Reserved.

Design / Developed by codebundles