नेपाल एयरलाइन्सले यही १५ भदौसम्म उडान गर्नेछ भने हिमालय एयरलाइन्सले १४ भदौसम्मको उडान तालिका सार्वजनिक गरेकाे छ । सरकारले १ भदौदेखि आन्तरिक र अन्तर्राष्ट्रिय व्यावसायिक उडान खोल्ने घोषणा गरेको भए पनि कोभिडको महामारी राजधानी काठमाडौँसहित देशका विभिन्न स्थानमा तीव्ररूपमा फैलिएपछि हालैको मन्त्रिपरिषद् बैठकले १५ भदौसम्म व्यावसायिक उडान स्थगन गर्ने निर्णय गरिसकेको छ ।

विदेशमा अलपत्र नेपालीलाई स्वदेश ल्याउने उडान भने नियमित हुनेछ । सरकारले अबको उडानमा दैनिक ५ सय जनालाई स्वदेश फर्काउने निर्णय गरिसकेको छ । तीमध्ये २ सय जनालाई सरकारले आफ्नै खर्चमा ल्याउने छ भने ३ सय जना आ

स्वदेश फर्कने नेपालीलाई सम्बन्धित मुलुकमा रहेका नेपाली दूतावासले गरेको सिफारिसका आधारमा नेपाल ल्याइने जनाइएको छ । कोभिड–१९ सङ्कट व्यवस्थापन केन्द्र (सीसीएमसी) को विवरणअनुसार ३० साउनसम्म विदेशबाट फर्कने नेपालीको सङ्ख्या ५१ हजार ४ सय ४१ रहेको छ । त्रिभुवन अन्तर्राष्ट्रिय विमानस्थलका अनुसार आज नेपाल एयरलाइन्सले दोहाबाट, हिमालय एयरलाइन्सले क्वाेलालम्पुर र दोहाबाट तथा फ्लाई दुबईले दुबईबाट नेपालीहरूलाई स्वदेश फर्काउने तालिका छ ।