ओम अस्पतालमा उपचारका क्रममा मृत्यु भएकी धनुषाको मिथिला नगरपालिका– १०, लालगढकी ७२ वर्षीया महिलामा संक्रमण पुष्टि भएको हो ।

दम, होइपोथाइरोडिज्म, उच्च रक्तचाप र श्वासप्रश्वासमा समेत समस्या भएपछि उपचारका लागि भर्ना भएकी ती महिलामा कोरोना पुष्टि भएको हो । धनुषाबाट उपचारका लागि सघन उपचार कक्ष (आईसीयू) मा भर्ना भएकी उनको उपचारका क्रममा मृत्यु भएको थियो । यसअघि सशस्त्र प्रहरी अस्पतालमा उपचाररत १ जनाको कोरोना संक्रमणका कारण मृत्यु भएको थियो ।