देशभर आजसम्म २१ हजार ३९० जनामा कोरोना संक्रमण देखिएको छ । आज ६ हजार १६४ जना सक्रिय संक्रमित रहेका छन् । उनीहरूको देशभरका विभिन्न अस्पताल तथा आइसोलेसन सेन्टरमा उपचार भइरहेको मन्त्रालयले जनाएको छ ।

पछिल्लो २४ घण्टाको अवधिमा ६ हजार ३५९ जनाको पीसीआर विधिबाट कोरोना परीक्षण गरिएको छ । हालसम्म ४ लाख १२ हजार ९५३ जनाको पीसीआर विधिबाट कोरोना परीक्षण गरिएको मन्त्रालयको तथ्यांक रहेको छ । हालसम्म देशभरका विभिन्न क्वारेन्टाइनमा ९ हजार ९२५ जना रहेको प्रवक्ता डा. गौतमले जानकारी दिए ।

पछिल्लो २४ घण्टाको अवधिमा थप १३० जनाले कोरोनालाई जितेका छन् । हालसम्म १५ हजार १५६ जनाले कोरोनालाई जितेको मन्त्रालयले जनाएको छ । हालसम्म ७०.८ प्रतिशतले कोरोना भाइरसलाई जितेको मन्त्रालयको तथ्यांक रहेको छ ।