राशिफल

विद्यार्थीलाई गुणस्तरीय शिक्षा दिन प्रतिबद्ध छौँ : प्रिन्सिपल त्रिलोचन गौतम

 न्यूज विराट
विद्यार्थीलाई गुणस्तरीय शिक्षा दिन प्रतिबद्ध छौँ : प्रिन्सिपल त्रिलोचन गौतम

विराटनगर–११ पाञ्चालीमा रहेको सगरमाथा स्कुलका प्रिन्सिपल हुन, त्रिलोचन गौतम । सगरमाथा स्कुलले स्थापना कालदेखि नै विद्यार्थीहरूमा अनुशासनसहित गुणस्तरीय र जीवन उपयोगी शिक्षा प्रदान गरेको कारणले विद्यार्थी र अभिभावकको रोजाइमा परेको उनले बताए । शिक्षासँग केन्द्रित रहेर न्युज विराट डटकम अनलाइनले स्कुलका प्रिन्सिपल गौतमसँग गरिएको संक्षिप्त कुराकानी :

विद्यार्थीलाई शिक्षा कसरी प्रदान गर्दै आउनुभएको छ ?
– विद्यार्थीहरूको तह, उमेर समूह, उनीहरूको सुझबुझको स्तर, उनीहरूमा रहेको अन्तरहित विशेष क्षमता र रुचि जस्ता सिकाइमा प्रभाव पार्ने आधारभूत पक्षहरूमा हामीले विशेष ध्यान पुर्‍याएका छौँ । सोही अनुसार मनोवैज्ञानिक ढङ्गबाट शिक्षण सिकाई क्रियाकलापलाई सञ्चालन गरेका छौँ । हाम्रा विद्यार्थीहरूलाई आफू, आफ्नो परिवार, समाज र सिङ्गो राष्ट्रप्रति जिम्मेवार नागरिकको रूपमा उभ्याउन र भोलिको सृजनशील, दक्ष र व्यवहारिक जनशक्तिको रूपमा विकास गर्न विद्यालय स्तरको शिक्षामा सिकाउनुपर्ने सबै आधारभूत ज्ञान र सिप सिकाउने कुरामा हामी निरन्तर लागिपरेका छौँ । स–साना नानी बाबुहरूले स्कुलमा खुसी र रमाइलो बालमैत्री वातावरणमा पढ्न सकुन्, सिक्न सकुन् र जान्न–बुझ्न सकुन् भन्ने उद्देश्य ले प्ले ग्रुपदेखि कक्षा ३ सम्म पूर्ण मन्टेश्वरी विधिमा ग्रेड शिक्षण प्रणाली अपनाएका छौँ । हामीले केबल किताबी ज्ञान मात्र हैन, व्यवहारिक रूपमै शिक्षण गर्नको लागि सबै विद्यार्थीहरूको पहुँच पुग्ने गरी अत्याधुनिक विज्ञान प्रयोगशाला र कम्प्युटर प्रयोगशाला, अत्याधुनिक उपकरण जडित कक्षा कोठाहरू, सुविधा सम्पन्न लाइब्रेरी, गायनकला, चित्रकला, नृत्यकला आदिका विशेष कक्षाहरू, यथेष्ट अतिरिक्त क्रियाकलाप, फराकिलो खेल मैदान आदिको समुचित व्यवस्था गरेका छौँ । सगरमाथा यस्तो स्कुल हो, जहाँ विद्यार्थीहरूले आफ्नो नियमित पढाई लेखाइका अतिरिक्त आफूमा अन्तर्निहित क्षमताको विकास गर्ने पूर्ण वातावरण प्राप्त गर्दछन् । त्यसैले सगरमाथा स्कुल विराटनगरको मात्र नभएर देशकै एक अब्बल स्कुलको रूपमा स्थापित स्कुल हो ।
हामी सँग योग्य, अनुभवी र पेसा प्रति समर्पित, दक्ष विषयगत शिक्षकहरूको टिम छ । यसका अलावा हामी बेला बेलामा विषय विज्ञहरू बोलाएर हाम्रा शिक्षक र विद्यार्थीहरूसँग छलफल र अन्तरक्रिया गर्दै आएका छौँ ।

स्कुलको नतिजा कस्तो छ ?
– यस विद्यालयको स्थापना कालदेखि हालसम्मको नतिजा उत्कृष्ट र ऐतिहासिक रहेको छ । दुई पटक एस।एल।सी। बोर्डमा पर्न सफल हाम्रो स्कुल लगातार चार पटक क्षेत्रीय स्तरमा प्रथम र पाँचौँ पटक राष्ट्रभरमै प्रथम भएर नेपाल सरकारबाट पुरस्कृत भई नेपालको विद्यालय स्तरको शिक्षामा इतिहास रच्ने एक मात्र संस्थागत विद्यालय हो । २०६५ सालमा एसएलसीमा नेपाल प्रथम र लगातार पाँच पटक पूर्वाञ्चल प्रथम भएको छ । दक्ष, योग्य, अनुभवी र शिक्षा क्षेत्रमा लामो समयदेखि समर्पित शिक्षकहरूबाट अध्यापन हुँदै आएको हाम्रो विद्यालयको हालसम्मको नतिजा उत्कृष्ट रहँदै आएको छ ।

कक्षा ११ मा भर्ना खुलेको छ । विद्यार्थीको उपस्थिति कस्तो छ ?
– हामीले विज्ञान र व्यवस्थापन विषयमा प्लस टु सञ्चालन गरेको चार वर्ष पुरा भएको छ । यसबिचमा हाम्रै स्कुलबाट एस।ई।ई। गरेका विद्यार्थीहरूका साथै अन्य विद्यालयका विद्यार्थीहरूको समेत रोजाइमा परेको हाम्रो प्लस टूमा विद्यार्थीहरूले एसीजडि़त कक्षा कोठाहरू र अत्याधुनिक प्रयोगशालाहरूको व्यवस्था भएको छुट्टै सुविधायुक्त भवनमा भयरहित र शान्त वातवरमा अध्ययन गर्न पाउँछन् ।
सगरमाथामा विज्ञान, कम्प्युटर विज्ञान र व्यवस्थापन सङ्कायमा विद्यार्थीको रोजाइमा परेको छ । कक्षा ११ मा भर्ना लिन सगरमाथाले लिएको प्रवेश परीक्षामा विद्यार्थीको उल्लेख नय उपस्थिति रहेको थियो । प्रवेश परीक्षामा १ हजार भन्दा बढ विद्यार्थीले प्रवेश परीक्षामा सहभागी भए । जसले गर्दा पनि सगरमाथामा विद्यार्थीको रोजाइमा परेको छ ।

सम्बन्धित समाचार

एभरेष्टमा चाँडपर्वको अवसरमा बिविध कार्यक्रम

विराटनगर । एभरेष्ट एजुकेशन फाउण्डेसन अन्तर्गत सञ्चालित विराटनगर– ५ स्थित एभरेष्ट मन्टेश्वरी विद्यालयमा आज मुख्य चाँडपर्वहरुको अवसरमा विभिन्न कार्यक्रम गरिएको छ । नेपालीहरुका महान पर्वहरु बडादशैं, तिहार, छठलगायतका पर्व कसरी मनाइन्छ भन्ने  झल्को दिने गरि...

मापसेसँगै मोरङ ट्राफिक प्रहरीको लापसे अभियान पनि सुरु

विराटनगर । सार्वजनिक सवारीसाधनका कर्मचारी (चालक, सहचालक, परिचालक) लाई लक्षित गरेर मोरङ ट्राफिक प्रमुख प्रहरीले विराटनगरमा लापसे (लागू पदार्थ सेवन) सम्बन्धी चेकजाँच अभियान सुरु गरिएको छ ।नेपाल प्रहरीको लागूऔषध नियन्त्रण ब्युरोसँग समन्वय गरेर ट्राफिक प्रहरीले...

विराटनगरमा पर्यटन सूचना केन्द्रको स्थापना

विराटनगर । नेपाल उद्योग वाणिज्य महासंघ प्रदेश नम्बर १ को सचिवालयमा पर्यटन सूचना केन्द्रको स्थापना गरिएको छ ।पर्यटन दिवसको अवसरमा मंगबलार विराटनगरस्थित नेपाल उद्योग वाणिज्य महासंघ प्रदेश १ को सचिवालयमा पर्यटन सुचना केन्द्र स्थापना गरिएको...

औषधी व्यवसायी देशबन्धु ढकालले जन्मदिन वृद्धाश्रममा मनाए

विराटनगर । पछिल्लो समय जन्मदिन मनाउने शैली फरक भएको छ । हजारौँ खर्च खर्चिएर रेस्टुरेन्ट होटेलमा पार्टी दिने प्रचलन रहेको छ । तर, नेपाल औषधी व्यवसायी संघ मोरङका उपाध्यक्ष तथा प्रवक्ता देशबन्धु ढकालले फजुल खर्च...