विराटनगर, साउन २१–प्रदेश १ को राजधानी रहेको विराटनगर महानगरपालिकामा बुधबार थप ११ जनामा कोरोना भाइरसको संक्रमण पुष्टि भएको छ ।

महानगरपालिकाको जनस्वास्थ्य महाशाखा प्रमुख रमेश कार्कीका अनुसार थप ११ जनामा कोरोना संक्रमण पुष्टि भएसँगै महानगरपालिकामा संक्रमितको संख्या १६९ पुगेको हो ।

पछिल्लो २४ घण्टामा भएको स्वाब परीक्षणमा ७ पुरुष र ४ महिलामा संक्रमण देखिएको हो । संक्रमित हुनेहरुमा विराटनगर–११ का ३, वडा नं. ३ का २, वडा नं. ५ का ३ र विराटनगर–७ का ३ जना रहेका छन् ।